|
| | 37 - As-Saaffaat |  |
| | | كاتب الموضوع | رسالة |
|---|
أحمد محمد لبن Ahmad.M.Lbn
مؤسس ومدير المنتدى
عدد المساهمات : 52644
العمر : 72
| | موضوع: 37 - As-Saaffaat السبت 08 أكتوبر 2022, 9:11 pm | |
|
37 - As-Saaffaat
Fulte Racmattaay, Guné Racmatta- le Yallih Migaaqal Qimbisa
(1) 1. Yalli malaykay missoowiyyah missowtal xiibite.
(2) 2. Kaadu Yalli qamburre foorisiyyah foorissa (wakayah wakayta) Malaykal xiibite.
(3) 3. Kaadu Qhuraan kee Dikri akriyiyyah takriye malaykal xiibite.
(4) 4. Diggah seehaday sin Yallay taqbudeeni inkittuk qibaadá kaah caglisa iyyaanamal xiibite.
(5) 5. Usuk qaranwaa kee baaxóoy, ken nammayih fanal taniimih Rabbi, kaadu usuk ayrô mawqooqii kee ayrö kormaamî Rabbi kinni.
(6) 6. Diggah Nanu addunyâ qaran cutuukat bilqisneh.
(7) 7. Kaadu ummaan sheetanay Yallih taaqatak yewqek, qaran cutuukat dacrisna.
(8) 8. Sheetoona qaran mataafaay, irô qaraanal tan Malaykah yab taabbem madudda, kaadu ummaan kabuk qambisimta.
(9) 9. Woo ankactuk xiiriysimaanaah, amurruqe wayta digaalá-lon akeeral.
(10) 10.Sheetoona Malaykak sissikuk qawta qangara akke waytek yaabbeenim maduudan, tokkel ura dabiitay ken cararisa ken kataata.
(11) 11. Nabiyow toysa ken esser ginóh usun gibdoonu innaa hinnay Nanu ginnem gibdim ginoonak? Diggah nanu xankab itta kallay gabat kaftak ken ginne (ken abba Aadam kinnuk).
(12) 12. Wonna hinnay nabiyow koo dirabboysaanaah, qhiyaamah ayróh ugut yangaddeenim qajjibsittah usun kol anqaasak.
(13) 13.Hawweeneenim ken kassiisan waqdi kas elle mageyaanaay, edde mayantifiqan.
(14) 14. Kaadu atu Nabii kinnitom tascasse astá yablen waqdi teetil anqasaanaah qajjibsitan.
(15) 15. Kaadu atu luk tcmeetem kalah tu- hinna, baxxaqqa iyya baab akke waytek kaak iyyen.
(16) 16. Rabneeh burtaay lafoofi nakke waqdi, nanu diggah nuwwuk ugtennoo ninni magooqak? (Qhiyaamah ayró kinnuk)
(17) 17. Kaadu nek naharsi abbobtiy warrayte ugtelee iyyen?
(18) 18. Yeey, ugtetton keenik ixxic nabiyow; isin xixxibaaneey, qunxaane-luk.
(19) 19. Cagalah is Israafiil baantah inki xongoló, eddeluk usun magooqak ugtaanaah sinnik abaanam qambaalitan.
(20) 20.Nee gee finqaaw! ah cisaabaay galtóh ayró iyyan (qhiyaamah ayró kinnuk).
(21) 21.Ah-mcklah ayróy ginô fan qadlil edde meklaanay isin dirabboysak sugteeni keenik iyyan.
(22) 22.Malaykak iyyaanah; koroosite maraa kee koroosannul ken kataateeh ken ceela maraay, usun Yallak kalah aqbaduk sugeenim gaaboysa!
(23) 23.Eddeluk jaciim deqsitta giráh gita keenih escessa.
(24) 24.Kaadu siraat garil ken eyseeda, diggah usun addunyal abeenimik esserimaanahak.
(25) 25.Маса litoonuuh, itta kah cate waytaanam addunyal itta kah catak sugten innah keenik iyyan ken sahitak.
|
| | | | أحمد محمد لبن Ahmad.M.Lbn
مؤسس ومدير المنتدى
عدد المساهمات : 52644
العمر : 72
| | موضوع: رد: 37 - As-Saaffaat السبت 08 أكتوبر 2022, 9:11 pm | |
|
(26) 26.Wonna hinnay usun asaaku (qhiyaamah ayró kinnuk) Yallih amrih gabá yeceenih xixxibaane luk.
(27) 27.Korosuk mariiy marat afkanuk keemaaritak itta esseran,
(28) 28.Diggah isin cakki-le kabuk nee gutuqak net amaatuk sugteeniih, baatil net bilqisak sugten iyyen kattaate mari katayen marak.
(29) 29.Katayen mari keenil gacisak, wonna hinnay isin nummayse marah ma-suginniton keenik iyyan.
(30) 30.Kaadu nanu sin amol qandey iimaanak sin edde waasna luk masuginnino, wonna hinnay isin dambit caddok tature marah sugten.
(31) 31.Tokkel ni-Rabbih maxcó inkih nel nummatteh, diggah nee kee sin digaalá tammoysenno.
(32) 32.Eddeluk Yallih gitaa kee iimaanak sin makkosneh, diggah nanu siinik dumaak makkoote marah sugne.
(33) 33.Toysa diggah usun woo ayró (qhiyaamah ayró kinnuk) digaalál yangaleenih addunyal umaanél ycngeleenimih sabbatah. (kattaate maraa kee katayen mara kinnuk).
(34) 34.Diggah nanu umeyniitik tamannah abna.
(35) 35.Diggah usun (koros kinnuk) inki Yallak-sa cakkil yaqbuden Yalli mayan ixxica keenik iyyan waqdi, kaxxa-mariinitak sugen addunyal.
(36) 36.Kaadu nanu diggah ninni yallitteh qibaadá gad-abê cabulih sabbatah cabnoo iyyen? (woh как iyyaanam Yallih farmoyta kinnuk)
(37) 37.Wonna hinnay Nabii cakki baaheeh (Qhuraan kee Yalla inkittoysaanam kinnuk) farmoytit nummaysak yemeete.
(38) 38.A-korosey isin diggah qansarissa digaalá tammoysetton qhiyaamah ayró.
(39) 39.Kaadu addunyal umaanék abak sugteenimik-sa elle galtimtaanam manton akeeral.
(40) 40.Yallih naqoosay qibaadá kaah caglissey Yalli isi racmat caglise akke waytek qansarissa digaalák naggowtam matan.
(41) 41.Woo meqe maray Yalli doore yimixxige quusiy (rizqhiy) aggiriqqewaa Ion.
(42) 42.Woo rizqhi maggo caxá mixu, usun Yalli keenih abe konnabá luk.
(43) 43.Waara niqmat-le Jannootah addal yanin,
(44) 44.Qaraakiy amol sitta fan afkanuk.
(45) 45.Maqiin deqsitta daráh gocoyuk kibuk yan kaaqon keenit meksima.
(46) 46.Ama gocoy qadoh, yaaqubc marah satta-le.
(47) 47.Usuk kas mabeyaay, amó berra mali kaadu usun kaat mayaskiran (madoomitan).
(48) 48.Kaadu ken xaqul saytun agabuy sinni baqoltik-sá num fanah waktewaay, qax-meqe intiita-le Ion.
(49) 49.Ama agbih weeló dansinte naalay gabá xage wayteh inna-le qidih.
(50) 50.Tokkel jannatti mari, mariiy marat keenik yafkune addunyal keenil taturtem itta esserak.
|
| | | | أحمد محمد لبن Ahmad.M.Lbn
مؤسس ومدير المنتدى
عدد المساهمات : 52644
العمر : 72
| | موضوع: رد: 37 - As-Saaffaat السبت 08 أكتوبر 2022, 9:12 pm | |
|
(51) 51.Jannatti marak yaabe num iyyeh; diggah anu rabak lakal tan manó yangadde kataysa luk suge addunyal.
(52) 52.Diggah atu nummaysa mará tanitoo? yok axcuk suge.
(53) 53. Rabneeh, burtaay, lafoofi nakke waqdi, diggah nanu ugutnaah, cisab nek abaanaah, ninni taamoomil galtimennoo? yok axcuk suge.
(54) 54. Woo moominti Jannatal isi kataysiisik, isin girát yoo lih maay boosittan woo korostih caalat nabaluh? Iyya.
(55) 55. Eddcluk bossu iyyeeh, jaciim deqsitta girák gudel (guddaqtal) kaa yuble.
(56) 56. Yallal xiibita immay, diggah yoo finqise raartc koo oggolinniyoy, kaak (kay kataysay addunyal rabak lakal manó tanim angadduk suge kinnuk) iyya woo moominti.
(57) 57. Kaadu yi-Rabbi isi muxxóh tirri yoo heewannay, kôo luk girál xayyoysimeeh tet cule marih num akkuk-en.
(58) 58. Nanu waaraah rabewaa mara hinninom hinnaa?
(59) 59. Marabna nek naharsi rabay addunyal abne akke waytek, kaadu nanu diggalsimewaa mara hinnino innaa Jannat culleek lakal?
(60) 60. Diggah nanu niqmatak edde nanim, usuk kaxxa affaafa.
(61) 61. Annah yan niqmatay dudda- leh taamita mari toysa taamitay addunyal.
(62) 62. Woo weeló kak taturte jannatih niqmatannaa, qibnaytiinoh taysem, hinnay zaqhqhuum deqsitta caxay cooxuk gactah taniy jahannam addaltani tayseeh?
(63) 63. Diggah nanu korosuh aqayyaarch (mokkoroh) tet abne (zaqhqhuum kinnuk).
(64) 64. Diggah is jaciim deqsitta girák ragidik tawqe caxa.
(65) 65. Tet mexexi diggah usuk sheetooná moyyaayih inna-le qaxumaaneh.
(66) 66. Eddcluk diggah usun teetik yakmeeniih, bagitte teetik kiban.
(67) 67. Tohuk lakal diggah tet bagul niqna как caddok taturte leeh daragu-lon maaqabah.
(68) 68. Too digaaláh lakal diggah gacsimeyna keenik jaciim deqsitta girâ fanah takke.
(69) 69. Diggah usun sinni abbobti makkoote marah geen.
(70) 70. Usun wohul ken katayyuh yasissiken.
(71) 71. Kaadu Nummah nabiyow ku- marak duma naharsi marak maggo mari makkoote.
(72) 72. Kaadu nummah Yallih digaalák ken meesissa farmoytit keenih rubne addunyal.
(73) 73. Tokkel meesiisen marih ellecabo kah tekke inna wagitey (cubbusey) nabiyow.
(74) 74. Yallih naqoosay Yalli isi racmatat caglisey naggoyse akke waytek, qibaadá kaah cagliseenimih sabbatah.
(75) 75. Yalli xiibitak iyyeh; Nabii Nuuc neh seeceh kay maral qokol kaah nakkem keh, tokkel nanu kaa oggola marak yayse mara kinnino.
|
| | | | أحمد محمد لبن Ahmad.M.Lbn
مؤسس ومدير المنتدى
عدد المساهمات : 52644
العمر : 72
| | موضوع: رد: 37 - As-Saaffaat السبت 08 أكتوبر 2022, 9:12 pm | |
|
(76) 76. Kaadu kaa kee kay buxah maraay, moominiiniy kaâ luk teemene kaxxa gibdak naggosneh (leet xuunumaanamak, sutaanamak).
(77) 77. Kaadu kay samad raaqe mara ken abne, kay mari leet bayeek gamadal.
(78) 78. Kaadu meqe xagar-xagoo kee fayla kay amol cabne ellecabô maray kaak lakal yamaatuwaah arrabat.
(79) 79. Sinam addal Nabii Nuucuh saayaay nagaynan cabne.
(80) 80. Diggah nanu meqe mara tonnal galatna.
(81) 81. Diggah Nabii Nuuc ni-naqoosay teemeney Yallah qibaadá caglissek numuk teyna.
(82) 82. Tohuk lakal aki maray kaa dirabboyse leet xuumusneeh (sutusne) finqisne.
(83) 83. Kaadu diggah kay (Nabii Nuuc kinnuk) gital kaa kataate marat Nabii Ibraahim yan.
(84) 84. Isi Rabbil saytun sorkocô baxa luk yemeete waqdi Yallat agleyta haamak.
(85) 85. Isi abbaa kee isi marak Yallak kalah maca taqbudeniih iyye waqdi ken assacakkuk?
(86) 86. Yallak kalah gersi yallitte diraabah taqbudenim faxxaanaa?
(87) 87. Tohul ginô Rabbi maca siinik abclem takkalccniih, Yallak kalihim tuqbudeenik?
(88) 88. Tokkel ken qiidili keenil luk yawqeemik malkitih cutuuká fanah wagittoh wagga hee.
(89) 89. Edde luk diggah anu biyaakitah keenik iyye.
(90) 90. Edde luk derre kaat cabba heenih gexen.
(91) 91. Eddcluk ken yallitte fan sissikuk kelli iyyeeh (malgiyeh) matakmaanaa? iyye keenil anqasak.
(92) 92. Maca liton kah yaabe waytaanaah essero yol kah gacse waytaanam keenik iyye Nabii Ibraahim?
(93) 93. Edde luk Nabii Ibraahim keenit yufkuneh migdi gabah godmat ken aagaruk.
(94) 94. Tokkel sissikuk naqabu luk kay mari kaah fan yufkuneeh nanu tet naqbudeeh, atu tet taggilee kaak iyyen.
(95) 95. Isin sinni gabah urtaanam taqbudeenii, sin gine Rabbí qibaadá cabba hayteenih keenik iyye.
(96) 96. Yalli sin kee isin abba haytaanam gineh anuk?
(97) 97. Nabii Ibraahim Yaabah keenik yeyse waqdi, tokkel kay mari uma malah kaah malseeh xiso kaah xisaay jaciim deqsitta girát kaa gasiya (qambisa) iyyen.
(98) 98. Kay mari uma malah kaah malseeh, guba raaqa mara ken abneeh, Nabii Ibraahim girák amaanah yewqe.
(99) 99. Kaadu Nabii Ibraahim iyyeh; diggah anu guuroh inni Rabbi fan gexaah usuk tirri yoo heele (yoo ascassele).
(100) 100. Nabii Ibraahim Yi-Rabbow meqe marih loowot yan baxa yoh acuw iyye.
|
| | | | أحمد محمد لبن Ahmad.M.Lbn
مؤسس ومدير المنتدى
عدد المساهمات : 52644
العمر : 72
| | موضوع: رد: 37 - As-Saaffaat السبت 08 أكتوبر 2022, 9:12 pm | |
|
(101) 101.Eddeluk dooqá kaak oggolleeh kaxxa xiq-le baxal kaa aytikumusne (berrakisne).
(102) 102.Ismaaqil yembeeh barak abballuk taamáh edde gexa caddo yoofe waqdi, yi-baxaw diggah anu soonol koo asguudem ublek, a-caagid wagitey maca kot ceela? Kaak iyye. Yi-babbaw elle amrisimtem ab, wohul Yalli faxek yisbire marih numuh yoo geettok kaak iyye.
(103) 103. Edde luk Yallih amri oggolen waqdi (Nabii Ibraahim kee baxa kinnuk) abba seltah (xabanah) kaa oobise kaa yasgaaduh.
(104) 104.Kaadu kaa secneh kee Ibraahimow axcuk.
(105) 105.Nummah tuble soonó nummasseh, diggah nanu tonnal galatna meqe mara iyye Yalli.
(106) 106. Diggah ta-amri (ku baxih masgaada kinnuk) is-baxxaqqa itta aqayyaare kinni.
(107) 107. Kaadu nanu kaxxa maruwih (marugih) masgaadal kaa wadnc (Ismaaqil kinnuk).
(108) 108. Kaadu Nabii Ibraahimih meqe xagar-xagoo kee fayla kay amol cabne elle cabo maray kaak lakal yamaatuwaah arraabat.
(109) 109. Yallih xaquk nagaynan Nabii Ibraahimil yanay.
(110) 110.Nabii Ibraahim kah galatne innah meqe mara tonnal galatna.
(111) 111. Diggah Nabii Ibraahim ni- naqoosay teemenek numuk teyna.
(112) 112.Kaadu Nabii Ibraahim Iscaaqh deqsita baxay Nabii yakkuwaay meqe marak numuk teynah yanil kaa ayti-kumusne (berrakisne).
(113) 113. Kaadu kaa (Ibraahim) kee Iscaaqhal barkat oobisne, kaadu ken nammayih samadak isi nafsih meqe num keenik yaniih, baxxaqqa-le dulmih koroosannut isi nafsi yadlume num keenit yanih.
(114) 114.Yalli nummah xiibitak iyyeh; Nabii Muusaa kee Nabii Haaruun nabuwwannut gunneh.
(115) 115. Kaadu ken nammay kee ken Mara naggosneh kaxxa gibdak (xuumiyya kinnuk).
(116) 116.Kaadu ken qokolleeh, usun firqawnaa kee firqawni marak yayse mara yekken.
(117) 117. Kaadu tawraat kitaabay baxxaqqa iyya ken nammayah necee.
(118) 118. Kaadu ken nammay massa-le gital (Islaam diini kinnuk) tirri hayne.
(119) 119. Kaadu meqe xagar-xagoo kee fayla ken nammayih amol cabne ellecabo maray keenik lakal yamaatuwaah arrabat.
(120) 120. Yallih xaquk nagaynan Nabii Muusaa kee Nabii Haaruunul yanay.
(121) 121. Diggah ken nammay kah galatne innah nanu meqe шага tonnal galatna.
(122) 122. Diggah ken nammay Ni-naqoosay teemenek nammayak teyna.
(123) 123. Kaadu diggah Nabii Ilyaas rubsumte farmoytiitik numuk teyna.
(124) 124.Isi marak israa-iil xaylok Yallak ma-meesittaanaa? iyye waqdi keenih cus nabiyow.
(125) 125.Numtin-welluy baqla deqsita taqbudeeniih, ginó-abák yayse gineynih qibaadá cabtaanaa?
|
| | | | أحمد محمد لبن Ahmad.M.Lbn
مؤسس ومدير المنتدى
عدد المساهمات : 52644
العمر : 72
| | موضوع: رد: 37 - As-Saaffaat السبت 08 أكتوبر 2022, 9:13 pm | |
|
(126) 126.Yalli sin Rabbiy sin gineey, siinik naharsi abbobti gine Rabbi kinni.
(127) 127.Eddeluk kay mari kaa dirabboyseeh, diggah usun gaaboysime loonuuh xayyowsime-lon girá digaaláh.
(128) 128. Yallih naqoosay Yalli isi racmat caglisey naggoyse akke waytek qibaadá kaah cagliseenimih sabbatah.
(129) 129. Kaadu Nabii Ilyaas meqe xagar- xagoo kee fayla kay amol cabne ellecabô maray kaak lakal yamaatuwaah arrabat.
(130) 130. Yallih xaquk nagaynan Nabii llyaasal yanay.
(131) 131. Diggah Nabii Tlyaas kah galatne innah Nanu meqe mara tonnal galatna.
(132) 132. Diggah Nabii Ilyaas ni-naqoosay teemenek numuk teyna.
(133) 133. Kaadu diggah Nabii Luut rubsumte farmoytiitik numuk teyna.
(134) 134.Nabiyow keenih cus; Nabii Luut kee kaal yeemene mara inkih digaalák naggosne waqdi.
(135) 135. Idaho daaqaynay (Nabii Luut barra kinnuk) digaalát raaqe maray finqitê luk raqte akke waytek koroositteemih sabbatah.
(136) 136. Lakat Nabii Luut marak aka maray raqqayey kaa dirabboyse bayisneh.
(137) 137. Kaadu diggah isin Makki maraw ken abuural taturak maacissan.
(138) 138. Kaadu bar elle taturtaanahak kas eile mageytaanaa? Ken geytem sin geytaamak.
(139) 139. Kaadu diggah Nabii Yuunus rubsumte farmoytiitik numuk teyna.
(140) 140. Nabiyow keenih cus ; Nabii Yuunus isi marih naqabuh sinaamak kibuk tan doynik fan kude waqdi.
(141) 141. Kaxxa haffó woo doynik marteeh tokkel meesiten waqdi doynik mari saami caxxa qideeh, Nabii Yuunus saami-caxxal как yeysen marih num yekke.
(142) 142. Badat kaa qideeniih, eddeluk kullunti kaa yunxuqe, usuk assacokka lem baahe numuh anuk.
(143) 143. Diggah usuk Yalla maggom cusa marih numuh suge wannay,
(144) 144. Kullinti bagut edde ugtan ayrô fan sugak yen (qhiyaamah ayró kinnuk).
(145) 145. Eddeluk kullinti baguk baddi afal decbol kaa qambisne usuk lakmisak.
(146) 146. Yaqhtiin deqsita cooxuk caxá (xalâ caxá kinnuk) kay amol nuysubuke.
(147) 147. Kaadu kay marak bool alfi yakke marah kaa rubne, hinnay wohuk fulaanah.
(148) 148. Eddeluk kaa nummayseeniih, edde raban wakti keenik yamaatem fanah ken hatkisneh.
(149) 149. Eddeluk nabiyow ken esser; ku- Rabbi say-xaylo leeh, usun lab- xaylo loonuu!
(150) 150. Hinnak Malayka sayyoh ginnee usun abaluk?
|
| | | | أحمد محمد لبن Ahmad.M.Lbn
مؤسس ومدير المنتدى
عدد المساهمات : 52644
العمر : 72
| | موضوع: رد: 37 - As-Saaffaat السبت 08 أكتوبر 2022, 9:13 pm | |
|
(151) 151. Oobbiyooy! diggah usun sinni diraabah iyyaanah,
(152) 152.Yalli xaleh iyyan, diggah usun dirableelá kinnuk.
(153) 153.Yalli say-xayló dooritee lab- xaylok?
(154) 154. Kee a-maraw maca liton! Mannal mekeltan Yallah say-xayló teexegeeniih, sinnih lab-xaylo teexegen waqdi?
(155) 155. Makassittaanaa! Yalli barráa kee xaylo aallewaah, как saytunnoowem?
(156) 156.Hinnak baxxaqqa iyya sumaq litoonuu a-ittaanamal?
(157) 157. Toysa sin kitaabay Yallih xaquk litoonu baahay, a-ittaanamal numma yacee mara tekkeenik keenik iyyan.
(158) 158. Koros Yallaa kee Malaykâ fanal ramaddiinuu kee lagó heen, nummah malayká teexegeh diggah usun (koros kinnuk) girá digaalál gaaboysime loonuuh xayyoysime loonum qhiyaamah ayró.
(159) 159. Yalli saytunnooweh kaa ceele waytaamay koros kaa edde weelossak.
(160) 160. Yallih naqoosay Yalli isi racmatat caglisey kaa ceele wayta weelot kaa weeloyse wayta akke waytek.
(161) 161. Toysa diggah korosey sin kee isin yallitte axcuk uqbuddu haytaanam,
(162) 162. Isin Yallih giták num makot beya mara hinniton.
(163) 163. Koroosannuh Jaciim deqsitta gird cula numuy Yalli tet culim elle mekle akke waytek.
(164) 164. Malayka itteh; nek inki malaykatti mayan, qaraanal yimixxige arac-le kaa akke waytek.
(165) 165. Kaadu diggah nanu Yallih qibaadáh saffih solid.
(166) 166. Kaadu diggah nanu Yalla ceele waytaamak Yalla saytunnosna.
(167) 167. Diggah nabiyow atu rubsumtak naharat Makki koros axcuk sugte:
(168) 168. “Kitoobaa kee anbiyak naharsi maral temeetem ncl amaatinnay diggah oggolak nen,
(169) 169. Yallih naqoosay Yalli isi racmatat caglise akkuk-nen”.
(170) 170.Makki koros Qhuraan koroositeeniih, akeeral digaalák loonum sarrah aaxige-lon.
(171) 171. Nummah Ni-qangará Ni-naqoosa farmoytiitih taturteh.
(172) 172. Diggah usun sinni naqboytiitil qoklima mara kinnon.
(173) 173. Kaadu diggah Ni-qande maysó lem addunyaay akeeral.
(174) 174. Toysa nabiyow derre keenit (Makki koros kinnuk) cab dago waktî fanah.
(175) 175. Kaadu ken qambal nabiyow digaalák keenil obtuwaytam sarrah ableloonuk!
|
| | | | أحمد محمد لبن Ahmad.M.Lbn
مؤسس ومدير المنتدى
عدد المساهمات : 52644
العمر : 72
| | موضوع: رد: 37 - As-Saaffaat السبت 08 أكتوبر 2022, 9:13 pm | |
|
(176) 176. Tokkel edde qataatakaanam Ni- digaalá innaa nabiyow?
(177) 177. Tokkel Ni-digaalá ken dabooqal (maaftal) keenil obta waqdi, toysa meesiisen marih maaci maxxu yoomeeh!
(178) 178. Kaadu nabiyow derre keenit cab yimixxige waktî fanah.
(179) 179. Kaadu nabiyow ken qambal Ni-digaalák keenil obtuwaytam sarrah ableloonuk!
(180) 180. Nabiyow ku-Rabbi saytunnoowch maysó-le Rabbi, kaa ceele waytaamay kaa cdde weelossu haanak.
(181) 181. Kaadu Yallak nagaynan farmoytiitil yanay.
(182) 182. Kaadu faylá Yalli-le, gino Rabbi!
|
| | | | | | 37 - As-Saaffaat | |
|
مواضيع مماثلة | |
|
| | صلاحيات هذا المنتدى: | لاتستطيع الرد على المواضيع في هذا المنتدى
| |
| |
| |
