|
| | QUR’AAN 37, SUURATU SOAAFFAAT |  |
| | | كاتب الموضوع | رسالة |
|---|
أحمد محمد لبن Ahmad.M.Lbn
مؤسس ومدير المنتدى
عدد المساهمات : 52644
العمر : 72
| | موضوع: QUR’AAN 37, SUURATU SOAAFFAAT الأحد 17 يوليو 2022, 11:33 pm | |
| سورةُ الصافات
QUR’AAN 37, SUURATU SOAAFFAAT
(ME HYJ ASEJ WC) ONYANKOPͻN DIN MU, AHUMMͻBORͻ HENE, ƆDΕΕFOͻ HENE
1. Mede (Soro abͻfoͻ) a w‘ato santen (resom Nyame),
2. Ne wͻn a wͻ‘de anibereε bͻ kͻkͻ. (Anaasε) Soro abͻfoͻ a wͻ‘ka mununkum so wͻ kwan pa soͻ,
3. Ne wͻn a wͻ‘kenkan Afutusεm no, di nse sε:
4. Nokorε, mo Wura Nyankopͻn, Ɔyε baako.
5. Ɔsoro ne asaase ne deε εwͻ ne mmienu mfimfii Wura, ne apueε ahodoᴐ no Wura.
6. Nokorε sε Yε‘de nsoromma fε asiesie ͻsoro a εwͻ wiase no.
7. Na εwεn ͻbonsam soͻdeni biara.
8. Wͻ‘nte (ͻsoro abͻfoͻ) badwa a εkorͻn no mu nsεm, efrisε, yεto (nsoromma) fri bea biara de bͻ wͻn,
9. depam wͻn, na wͻn wͻ daa asotwee.
10. Mmom nea ͻbewiawia ne ho ahwim biribi no, egya a εhyerεn bedi n‘akyi.
11. Enti bisa wͻn sε, wͻn mmͻeε na εyε den anaasε (abͻdeε nkaeε) a Y‘abͻ noa? Yε‘bͻͻ wͻn firi nεteε a ɛsɔ twann mu.
12. Nokorε sε (Nkͻmhyεni), εyε wo nwanwa (sε saa nkorͻfoͻ no ani tua Nyankopͻn tumi nanso wͻ‘nnye nnie) na wͻ‘redi (wo ne Qur‘aan ho) fεw.
13. Sε yetu wͻn fo a wͻ‘ntere fo, (anaa wͻ‘nnfa afutuo no nnyε adwuma).
14. Sε wͻ‘hunu nsεnkyerεnee bi (fri Nyankopͻn hͻ a) wͻ‘de di fεw.
15. Deε wͻ‘ka ara nesε: ―Woi deε εyε nkonyaa anaa naadaasεm pefee.
16. Ɛdeεn! Sε yewu na yε‘yε mfuturo ne nnompe a yεbεsan anyane (bio)?
17. Anaasε yεn agyanom tetefoͻ no nso?‖
18. (Nkͻmhyεni), ka sε: ‖Aane! Na yεbεbrε moase agu moanim ase.
19. Ɛbεyε nteamu fua pε, na wobehunu sε wͻ‘rehwε (Wusͻreε da no)‘‘.
20. Wͻ‘bεka sε: ―Adi ayε yεn! Akatua da no nie!
21. Woi ne Asenida no a mofaa no nkontomposεm no.
22. (Yε‘bεka akyerε Soro abͻfoͻ no sε): ―Momoaboa wͻn a wͻ‘yεε bͻne no ne wͻn ahokafoɔ (a wɔwɔ abonsamfoɔ no mu) ne deε wͻ‘someε—
23. – Wͻ Nyankopͻn akyi no ano, na monkyerε wͻn kwan nkͻ Amanehunu gya no ho.
24. Moma wͻn nyina hͻ, nokorε sε wͻn wͻ nsεmmisa.
25. Ɛdeεn na εha mo a (afei deε) mommoa moho moho (sεdeε na moyε no wͻ wiaseε no?) |
| | | | أحمد محمد لبن Ahmad.M.Lbn
مؤسس ومدير المنتدى
عدد المساهمات : 52644
العمر : 72
| | موضوع: رد: QUR’AAN 37, SUURATU SOAAFFAAT الأحد 17 يوليو 2022, 11:36 pm | |
| 26. Daabi, saa Da no wͻ‘bεberε wͻn ho ase.
27. Wͻ‘bεdane wͻn ho ahwε wͻn ho wͻn ho anim abisa-bisa,
28. Wͻ‘bεka sε: ‖Mo na na mofiri nifaso (anaasε na mone mpanimfoͻ a) moba yεn hͻ (betu yεn fo bͻne).
29. (Wͻn mu mpanimfoͻ no nso) bebua wͻn sε: ―Daabi, moara nso na monyε agyidiefoͻ,
30. Na yenni tumi biara wͻ mo so, Daabi, na moara nso moyε nnipa atuateεfoͻ.
31. Enti ye‘Wura Nyankopͻn asεm no ayε nokorε atia yεn; nokorε sε yεbεka (asotwee no) ahwε.
32. Nea enti yεyeraa mo ne sε, na yεn ara nso yayera.
33. Nokorε sε saa Da no, wͻ‘bεkyε asotwee no, (anaasε obiara benya nekyεfa sɛdeɛ nedwuma bɔne a odiiɛ teɛ).
34. Nokorε sε saa na Yε‘de bεyε abͻneεfoͻ no.
35. Nokorε sε, na yεka kyerε wͻn sε Awurade foforͻ biara nni hͻ ka Nyankopͻn ho a, na wͻ‘reyε ahomasoͻ.
36. Deɛ wͻ‘ka ne sε: ―Yenyae y‘abosom medi odwontofoͻ bͻdamfoͻ yi akyi? ―
37. Daabi, (Muhammad) de Nokorε no aba a ͻde bεhyε asomafoͻ no (nsεm) no mma.
38. Nokorε sε mobεka asotwee yaaya no ahwε.
39. Dwuma a modiiε ho na yεretua mo so ka.
40. Mmom Nyankopͻn nkoa nokorεfoͻ no deε,
41. Saa nkorͻfoͻ no na wͻ‘benya akͻnhoma a yahyehyε ato hͻ no—
42. (Ebi ne) Nnuaba; na yεbεhyε wͻn animuonyam –
43. Wͻ anigyeε Aheman no mu -
44. Wͻ‘bεtena Ahennwa a (ebi) hwε (ebi) anim so.
45. Nsa kuruwa a efri nsuo aniwa mu bedi wͻn so akͻneaba.
46. (Ɛyε) fitaa, dεdεεdε ma wͻn a wͻnom.
47. Ɛmma wͻn ͻhaw (tesε tipaeε anaa yafun keka anaa adwen sεeε biara) na wͻ‘mmoro nso.
48. Ɛmmaa nso a wͻ‘bͻ wͻn nhwε anaa wͻn ani ho ban, a wͻn ani akεse-akεse fεfεεfε bεka wͻn ho.
49. Ɛbεka sε (saa mmaa no yε) kosua a yahwε so yie paa.
50. Wᴐn mu bi bεdane wͻn ho ahwε ebinom abisa, |
| | | | أحمد محمد لبن Ahmad.M.Lbn
مؤسس ومدير المنتدى
عدد المساهمات : 52644
العمر : 72
| | موضوع: رد: QUR’AAN 37, SUURATU SOAAFFAAT الأحد 17 يوليو 2022, 11:36 pm | |
| 51. Wͻn mu nea ͻbεkasa no bεka sε: ―Nokorε sε na mewͻ adamfoͻ bi -
52. Na ͻka sε: ―Enti nokorε sε woka wͻn a wͻ‘gye (Wusͻreε no) die no ho?
53. Sε yewu na yεyε mfuturu ne nnompe a yεbetua yεn (dwumadi papa ne yεn dwumadi bͻne no so) ka?‖
54. (Obi) bεka sε: ‖Monnhwε (aseε hͻ)?‖
55. Na ͻhwεε (aseε hͻ) no, ohunuu no wͻ Amane-hunu gya no mfimfii.
56. Ɔbεka sε: ‖Medͻ Nyame sε, εkaa kakraabi sε anka wode me kͻͻ ͻsεeε mu.
57. Sε εnyε me Wura Nyankopͻn adom nti a, anka meka wͻn a yεde wͻn baa (Amane-hunu gya no) mu no ho.
58. (Soro aheman no mu foͻ no bεka sε): ―Enti yennwu (bio)?
59. Gyesε yewuo a edikan no ara? Na yεnntwe ya‘so nso?
60. Nokorε sε, woi ne nkonimdie kεseε paa no.
61. Woi sεso nti, wͻn a wͻ‘redi dwuma (pa) no nni dwuma (pa) mfa ma.
62. (Soro aheman no mu) anigyesεm no na εyε, anaasε Zaquum dua noa?
63. Nokorε sε, Y‘ayε no suntidua ama abͻneεfoͻ no.
64. Nokorε sε (Zaquum) yε dua a efifi wͻ Amane-hunu gya no ase.
65. N‘aba no pue tesε awͻwͻ ti.
66. Nokorε sε, (saa dua no) so na (abͻneεfoͻ no) bedidi de ahyε wͻn yafunu mma.
67. Na akyire yi nokorε sε, yεbεma wͻn nsuohyeε a adi afra (anom) agu so.
68. Na afei wͻn nnkyi a wͻ‘bεsan akͻ ne gya frama no mu.
69. Nokorε sε wͻ‘bεtoo wͻn agyanom sε wͻn ayera;
70. Na wͻn anamͻn so na wͻ‘pε ntεm kͻ.
71. Ampa sε, tetefoͻ a wͻ‘dii wͻn anim kan no beberee yerae.
72. Ampa nso sε Yε‘somaa kͻkͻbͻfoͻ fri wͻn mu (baa wͻn hͻ bεbͻͻ wͻn kͻkͻ.)
73. Enti hwε sεdeε wͻn a yεbͻͻ wͻn kͻkͻ (na wͻ‘antie kͻkͻbͻ no ) awieε si wieε.
74. Na mmom Nyankopͻn nkoa a wͻ‘di nokorε no deε, (wͻ‘benya ͻgyeε).
75. Ampa nso sε Noa su frεε Yεn; na nyeso pa paa na Yε‘de gyee (no) soͻ. |
| | | | أحمد محمد لبن Ahmad.M.Lbn
مؤسس ومدير المنتدى
عدد المساهمات : 52644
العمر : 72
| | موضوع: رد: QUR’AAN 37, SUURATU SOAAFFAAT الأحد 17 يوليو 2022, 11:37 pm | |
| 76. Yε‘gyee ͻno ne n‘abusuafoͻ nkwa fri mmusuo kεseε no mu.
77. Yε‘maa n‘asefoͻ na εkaeε.
78. Ye‘gyaa no maa nkyirimma (maa wͻ‘bͻͻ no din pa).
79. Asomdwiε a efri amansan so nyinaa wͻ Noa so.
80. Nokorε sε, saa na yetua apapafoͻ no ka.
81. Nokorε sε na ͻka Yε‘nkoa agyidifoͻ no ho.
82. Afei Yε‘maa nsuo faa nkaeε no.
83. Nokorε sε nenkorͻfoͻ a (wͻ‘dii n‘anamͻn soͻ) no bi ne Abraham.
84. Ɛberε a ͻde akoma pa a emu teε baa ne Wura Nyankopͻn hͻ.
85. Ɛberε a ͻka kyerεε n‘agya ne nenkorͻfoͻ sε: ―Ɛdeεn na moresom yi?
86. Nkontompo anyame na mofri Nyankopͻn akyi pε (wͻn)?
87. Moadwen ne sεn wͻ Abͻdeε nyinaa Wura Nyankopͻn no ho? ―
88. Ɔhwεε nsoromma mu hwεe.
89. Ɔkaa sε: ―Meyare‖.
90. Enti wͻ‘danee wͻn ho firii ne ho kͻe.
91. (Abraham) danee ne ho kͻͻ wͻn abosom no ho ka kyerεε (abosom no) sε: ―Monni di?
92. Ɛdeεn na εha mo a enti monnkasa yi? ―
93. Ɔdane ne ho kͻͻ wͻn so de (ne) nsa nifa bobͻͻ wͻn.
94. (Nenkorͻfoͻ no) de ahoͻherε baa ne hͻ.
95. (Abraham) kaa sε: ―Mosom adeε a (moara mode monsa) asene?
96. Aberε a Nyankopͻn na abͻ mo, ne adeε a moyͻ no ―.
97. (Nenkorͻfoͻ no) kaa sε: ―Monsi (fononoo) dan ma no na monhye no wͻ gya tanaa no mu.
98. Wͻ‘hwehwε bͻͻ ne ho pͻ, nanso Yε‘brεε wͻn ase.
99. Ɔkaa sε: ―Medeε merekͻ me Wura Nyankopͻn hͻ na Ɔbεkyerε me kwan‖.
100. ―Me Wura, dom me na kyε me (ͻba) pa. |
| | | | أحمد محمد لبن Ahmad.M.Lbn
مؤسس ومدير المنتدى
عدد المساهمات : 52644
العمر : 72
| | موضوع: رد: QUR’AAN 37, SUURATU SOAAFFAAT الأحد 17 يوليو 2022, 11:37 pm | |
| 101. Enti Yε‘de abͻfra a ͻwͻ ntoboaseε hyεε no bͻ.
102. Ɛberε a (abͻfra no) duruu (sε wanyin a) ͻbεka neho (aboa no) adwuma no, (Abraham) kaa sε: ―Meba, m‘ahunu wͻ me daeε mu sε meretwa wo mene (de wo abͻ afͻdeε ama Nyankopͻn)
enti kyerε deε wa‘dwen yε woͻ. (Abͻfra no) kaa sε: ‖M‘agya, yε sεdeε ya‘hyε woͻ no, na sε Nyankopͻn pε a wo behunu sε meka aboterεfoͻ no ho ―.
103. Enti εberε a wͻn mmienu brεε wͻn ho ase (maa Nyankopͻn ahyεdeε), na (Abraham) de no too hͻ wͻ (ne) momasoͻ no,
104. Yε‘frεε no sε: ―Abraham!
105. Nokorε sε w‘adi yikyerε no so. Nokorε sε saa ara na Y‘etua apapafoͻ no ka.
106. Nokorε sε woi yε nsͻhwε a εda adi pefee
107. Na Yε‘de afͻrebᴐ deε kεseε bi (odwan paa a otua dua) sii n‘anan,
108. Na yegyaa no demaa nkyirimma (maa wͻ‘bͻͻ no din pa).
109. Asomdwiε wͻ Abraham so.
110. Saa ara na Y‘etua apapafoͻ no ka.
111. Nokorε sε (Abraham) ka Yε‘nkoa agyidiefoͻ no ho.
112. Yε‘de Is‘haaq, nkͻmhyεni a ͻka apapafoͻ no ho no (awoͻ ho) bᴐhyԑ maa no.
113. Na Yehyiraa no ne Is‘haaq. Wͻn asefoͻ no mu, na ebi yε apapafoͻ, na ebinom nso yεε bͻne sisii wͻn ho pefee.
114. Nokorε sε Yε‘de Y‘adom dom Mose ne Aaron.
115. Na Yε‘gyee wͻn mmienu ne wͻn nkorͻfoͻ firi ͻhaw kεseε no mu,
116. Na Yε‘boaa wͻn maa wͻ‘bεyεε nkonimdifoͻ,
117. Na Y‘εde Nwoma pefee no maa wͻn mmienu.
118. Na Yε‘kyerεε wͻn mmienu kwan tenenee no.
119. Na Ye‘gyaa wͻn demaa nkyirimma (maa wͻ‘bͻͻ wͻn din pa).
120. Asomdwiε wͻ Mose ne Aaron so.
121. Nokorε sε saa ara na Ye‘tua apapafoͻ no ka.
122. Nokorε sε wͻn mmienu ka Yε‘nkoa agyidiefoͻ no ho.
123. Nokorε sε, Elia nso ka Asomafoͻ no ho.
124. Ɛberε a ͻka kyerεε ne nkorͻfoͻ no sε: ‖Enti monnsuro Nyankopͻn?
125. ―Mosu frε (ͻbosom) Baal, εna motwa Nea Ɔbͻͻ adeε (nyinaa) yie no gya - |
| | | | أحمد محمد لبن Ahmad.M.Lbn
مؤسس ومدير المنتدى
عدد المساهمات : 52644
العمر : 72
| | موضوع: رد: QUR’AAN 37, SUURATU SOAAFFAAT الأحد 17 يوليو 2022, 11:38 pm | |
| 126. Nyankopͻn a Ɔne mo Wura, ne moagyanom a wͻ‘dii kan no Wura no? ―
127. Nanso wͻ‘anye (Elia) anni, enti nokorε sε yε‘de wͻn bεba (asotwee no mu).
128. Gyesε Nyankopͻn nkoa no a yayi wͻn no.
129. Na Ye‘gyaa no demaa nkyirimma (maa wͻ‘bͻͻ no din pa).
130. Asomdwiε wͻ Elia so.
131. Nokorε sε saa ara na Ye‘tua apapafoͻ no ka.
132. Nokorε sε ͻka Yε‘nkoa agyidiefoͻ no ho.
133. Nokorε sε Lut nso ka Asomafoͻ no ho.
134. Ɛberε a Yε‘gyee no ne n‘abusuafoͻ nyinaa -
135. Gyesε (neyere) aberewa no; na ͻka wͻn a wͻ‘kaa akyire no ho.
136. Afei Yε‘sεee nkaeε no pasaa.
137. Nokorε sε motwam wͻ wͻn ho anͻpa
138. Ne anadwo, Enti monfa adwen?
139. Nokorε sε Yona nso ka Asomafoͻ no ho.
140. Ɛberε a odwane kͻͻ nsuom hyεn a ayε mma no mu no,
141. (Ɔpenee so ne wͻn) twee ntonto, na ͻkaa wͻn a wᴐ‘dii nkuguo no ho.
142. Enti adwene (kεseε) no menee no, na na ͻfata soboͻ.
143. Nokorε sε, sε na ͻnka wͻn a wͻ‘bͻ (Nyankopͻn) abodin no ho a,
144. Anka ͻbεtena (adwene no) yεm hͻ akosi Wusͻreε da.
145. Na Yεtoo no twenee wͻ mpoano petee bi mu a (saa berε no na) ͻyareε.
146. Yε‘maa kͻntoa dua fifiri maa no.
147. Na Yε‘somaa no kͻͻ (nnipa) mpem ha anaasε deε εboro saa hͻ.
148. Na wͻ‘gye dii, enti Yε‘bͻͻ wͻn akͻnhoma (anaa Yεmaa wͻ‘gyee wͻn ani) kͻpem εberε bi.
149. Enti bisa wͻn sε: ―Wo Wura Nyankopͻn wͻ mma mmaa, εna wͻn nso wͻn wͻ mma mmarima?
150. Anaasε Yε‘bͻͻ soro abͻfoͻ no mmaa abrε a wͻ‘hunuiε?‖ |
| | | | أحمد محمد لبن Ahmad.M.Lbn
مؤسس ومدير المنتدى
عدد المساهمات : 52644
العمر : 72
| | موضوع: رد: QUR’AAN 37, SUURATU SOAAFFAAT الأحد 17 يوليو 2022, 11:38 pm | |
| 151. Ɛnyε wͻn ara wͻn nkontomposεm mu na wͻ‘ka sε:-
152. ―Nyankopͻn awo ba? Nokorε sε wͻ‘yε nkontompofoͻ‖
153. Enti (Nyankopͻn) pε mma mmaa asεm kyεn mma mmarima?
154. Ɛdeεn na εha mo a mobu atεn saa?
155. Adεn monnwen?
156. Anaasε mowͻ nyinasoͻ pefee bi?
157. Sε moyε nokwafoͻ ampa a, εneε monfa mo Nwoma no mmra.
158. Wͻ‘de abusuabͻ ato (Nyankopͻn) ne Jinn ntεm. Ampa sε Jinnfoͻ no nim yie sε wͻ‘bεba (atemmuo mu wͻ Nyankopͻn anim).
159. Kronkron Hene ne Nyankopͻn, (Neho te) sε wͻ‘de biribi susu no no.
160. Gyesε Nyankopͻn nkoa a wᴐ‘di nokorԑ no.
161. Enti nokorε sε, (abosomsomfoͻ), mone deε mosom no (nyinaa) -
162. -Montumi nyε suntidua (anaa montumi nyera obiara mma) entia Nyankopͻn,
163. Gyesε obi a (yahyehyε sε) ͻbεhye wͻ gya frama no mu.
164. Yԑn (soro abͻfoͻ), yԑn mu biara wᴐ bea bi a yahyehyԑ ama no.
165. Nokorε sε yε‘to santen (frε Nyame).
166. Nokorε nso sε yεn na yε‘bͻ (Nyankopͻn) abodin paa.
167. Na (abosomsomfoͻ no) ka sε:
168. ―Sε yenyaa Afutusεm tesε tetefoͻ no a,
169. Anka yε‘bεyε Nyankopͻn asomfoᴐ nokorεfoͻ no mu bi ―.
170. Nanso (afei a Qur‘aan aba wͻn hͻ no nso) wͻ‘nnye nni, enti sεdeε εteε biara no wͻ‘behunu.
171. Nokorε sε Y‘asεm adikan akͻ Yε‘nkoa Asomafoͻ no hͻ
172. Sε, nokorε wͻbenya mmoa.
173. Nokorε nso sε Y‘asraafoͻ no na wͻ‘bedi nkonim.
174. Enti (Nkͻmhyεni), twe wo ho firi wͻn ho kͻpem εberε bi.
175. Na wodeε hwε wͻn, na wͻ‘behunu (asotwee no).
176. Enti Y‘asotwee na wͻ‘repε no ntεm no?
177. Sε esiane ba wͻn fie adihͻ a, εbεyε anͻpa bͻne ama wͻn a yabͻ wͻn kͻkͻ no.
178. Enti wodeε twe wo ho firi wͻn ho kͻpem εberε bi,
179. Na wodeԑ hwε, na εnkyε koraa wͻ‘behunu (asotwee no).
180. Kronkron Hene ne wo Wura Nyankopͻn, Tumi ne Animuonyam Wura ne no (Neho te sen) sεdeε wͻ‘susu no no.
181. Asomdweε wͻ asomafoͻ no so.
182. Aseda no wͻ Nyankopͻn, abͻdeε nyinaa Wura no. |
| | | | | | QUR’AAN 37, SUURATU SOAAFFAAT | |
|
مواضيع مماثلة | |
|
| | صلاحيات هذا المنتدى: | لاتستطيع الرد على المواضيع في هذا المنتدى
| |
| |
| |
