|
| | QUR’AAN 43, SUURATU ZUH’RUF (B43) |  |
| | | كاتب الموضوع | رسالة |
|---|
أحمد محمد لبن Ahmad.M.Lbn
مؤسس ومدير المنتدى
عدد المساهمات : 52644
العمر : 72
| | موضوع: QUR’AAN 43, SUURATU ZUH’RUF (B43) الثلاثاء 19 يوليو 2022, 8:10 pm | |
| سورةُ الزخرف
QUR’AAN 43, SUURATU ZUH’RUF (B43)
(Me hyj asej wc) Onyankopͻn din mu, Ahummͻborͻ Hene, Ɔdεεfoͻ Hene,
1. Haa – Miim.
2. Mede Nwoma no a εda (biribiara) adi pefee no di nse sε:
3. Nokorε, Y‘ayε Qur‘aan no wͻ Arab kasa mu sεdeε mobεte aseε.
4. Efiri Nwoma (nyinaa) Maame (Lawhul- Mah‘fuuz) a εwͻ Yε‘nkyεn no mu, (Nwoma a) yamaso paa, adwen ne nyansa ahyε mma.
5. Enti Yenyi afutuo no mfri moso εnam sε moyε nnipa bͻnefoͻ nti?
6. Nkͻmhyεfoͻ dodoͻ sεn na Yε‘somaa wͻn baa tetefoͻ no hͻ?
7. Nkͻmhyεni a ᴐbaa wᴐn hᴐ biara gyesε wͻ‘di ne ho fεw.
8. Y‘asεe wͻn a wͻ‘yε den sen wͻn wͻ ahoͻden mu; na tetefoͻ no mfatoho adi wͻn anim kan atwam kͻ.
9. Sε wo bisa wͻn nso sε: ―Hwan na ͻbͻͻ soro ne asaase a? ―Wͻ‘bεka sε: ―Otumfoͻ Onimdefoͻ no na Ɔbͻeε‖.
10. (Otumfoͻ) no a, W‘ayε asaase de asε hͻ atrε mu ama mo, ayε akwan atoto mu sεdeε mobehunu kwan.
11. (Onyankopͻn) no a Osiane nsuo firi soro sεdeε εsε, na Y‘εde nyane asaase a awuo; saa ara na monso mobepue (afri adakamena mu).
12. (Otumfoͻ) no a Ɔbͻͻ biribiara mmienu mmienu, εna W‘ama mo nsuom hyεn ne nyεmmoa a mo foro (tena wᴐn soᴐ),
13. Sεdeε mobεtena wͻn akyi pintinn, na afei mobεkae Onyankopͻn adom wͻ εberε a mote so pintinn no na moaka sε: ―Kronkron Hene ne Nea W‘abrε woi ase ama yεn, na anka (yεn ara yεn mmͻdemmͻ mma) yentumi nya.
14. Nokorε sε ye‘Wura Nyankopͻn hͻ na yε‘bεsan akͻ.
15. Nanso wͻ‘de kyεfa bi a εwͻ no ama Nenkoa mu no bi. Nokorε sε onipa yε boniayεni pefee.
16. Anaasε Onyankopͻn Ayi mmaa (ama Neho) wͻ deε W‘abͻ no mu, εna W‘ayi mmarima ama mo?
17. Nanso sε yε‘bͻ wͻn mu bi amaneε wͻ adeε a ͻdema Nyankopͻn no sεso (sε neyere awo ͻbaa) a na n‘anim ayε kusuu (wamuna tumm), na nebo afu.
18. Anaasε deε yεde afεεfεdeε asiesie no a sε akyinnyeε ba a, ontumi nkasa nkyerεkyerε mu no (na mode no toto Onyankopͻn ho)?
19. (Abosomsomfoͻ no) ayε Ahummͻborͻ Hene asomfoͻ Soro abͻfoͻ no nso mmaa. Wͻ‘ahunu (Soro abͻfoͻ no) bͻsuo (pεn a enti εma wͻ‘kyerε sε soro abͻfoͻ yε mmaa)? Yε‘bεtwerε wͻn adanse-kunumu no, na yebebisa wͻn.
20. Deε wͻ‘ka ne sε: ―Sε Ahummͻborͻ Hene no pε a anka yε‘nsom wͻn‖. Wͻ‘nni woi ho nimdeε, atorͻsεm na wͻ‘die.
21. Anaasε Y‘adi kan ama wͻn nwoma bi a wͻ‘gyina soͻ?
22. Daabi; Deε wͻ‘ka ne sε: ―Yε‘bεtoo yεn agyanom wͻ (saa) kwan no so, na wͻn anammͻn so na εkyerε yεn kwan.
23. Saa ara na kͻkͻbͻni biara a Y‘edii w‘anim kan somaa no wͻ kuro bi soͻ no, emu adefoͻ no kaa sε: ―Nokorε sε yεbεtoo y‘agyanom wͻ (saa) kwan (yi) so na wͻn anammͻn so na yε‘di akyire.
24. (Kͻkͻbͻni no) kaa sε: ―Na sε mede deε εtene kyεn deε mobεtoo no mo agyanom hͻ no brε mo mpo a?― Wͻ‘buaa sε: ―Yε‘deε yεnnye deε yεde asoma mo no nni ―.
25. Enti Y‘etuaa wͻn so ka; na hwε sεdeε wͻn a wͻ‘annye (Nokorε no) annie no awieε si wieε.
عدل سابقا من قبل أحمد محمد لبن Ahmad.M.Lbn في الخميس 21 يوليو 2022, 4:28 am عدل 1 مرات |
| | | | أحمد محمد لبن Ahmad.M.Lbn
مؤسس ومدير المنتدى
عدد المساهمات : 52644
العمر : 72
| | موضوع: رد: QUR’AAN 43, SUURATU ZUH’RUF (B43) الثلاثاء 19 يوليو 2022, 8:10 pm | |
|
26. Kae εberε a Abraham ka kyerεε n‘agya ne nenkorͻfoͻ no sε: ‖Medeε m‘atwe me ho afri deε mosom no ho.
27. Gyesε Nea Ɔbͻͻ me, efirisε Ɔno na Ɔbεkyerε me kwan.
28. Ɔyεε (saa kasa) no asεm-nnahͻͻ demaa nenkyiri mma sεdeε wͻ‘bεsan (akͻ mu).
29. Aane, Memaa saa nkorͻfoͻ no ne wͻn agyanom gyee wͻn ani kͻpem sε Nokorε no ne Ɔsomafoͻ a ͻda (nsεm no) adi pefee no baa wͻn hͻ.
30. Ɛberε a Nokorε no baeε no wͻ‘kaa sε : ―Woi deε εyε nkonyaa anaa nadaasεm, na yε‘deε yεnye nni―.
31. Deε wͻ‘ka ne sε: ―Adεn nti na yansiane saa Qur‘aan yi amma onipa a odi mmu wͻ nkuro mmienu no mu (Maka ne Taif)?
32. Wͻn na wͻ‘kyekyε wo Wura Nyankopͻn Ahummͻborͻ no? Yεn na Yε‘kyekyε wͻn wiase asetena mu akͻnhoma no mu ma wͻn, εna Yε‘pagya ebi nom kyεn ebinom wͻ gyinaberε mu sεdeε ebinom bεfa ebinom ama wᴐn ayε adwuma ama wᴐn. Na wo Wura Nyankopͻn ahummͻborͻ no yε kyεn (wiase ahonyadeε a) wͻ‘reboaboa ano no.
33. Sε εnyε sε anhwε a nnipa nyinaa abεyε nnipa korͻ (anaasε wͻn nyin aa adwen bεtwe akosi wiase afεεfεdeε so) a, anka Yε‘bεma wͻn a wͻ‘yi Ahummͻborͻ Hene no boniayε no afie nkurusoͻ ayε dwetε, na n‘atwedeε a yεde forͻ no nso (ayε dwetε saa ara),
34. Ne wͻn afie apono ne wͻn mpa a wͻ‘deda soͻ nso (ayε dwetε)-
35. Ne sika kͻkͻͻ. Woi nom nyinaa yε wiase asetena mu anigyedeε, na Daakye no deε, εwͻ wo Wura Nyankopͻn hͻ dema Nyame-surofoͻ no (nko ara).
36. Obi a ͻtwe ne ho firi Ahummͻborͻ hene no nkaekaeε ho no, Yε‘de no ma ͻbonsam ma ͻfa no yͻnkoͻ.
37. Nokorε sε, (abonsamfoͻ no) si wͻn kwan, na wͻn adwen yε wͻn sε wͻ‘anya kwankyerε
38. (Ɔbεkͻso saa ara) akosi sε ͻbεba Yεn hͻ, (saa berε no na) ͻbεka sε: ‖Menya a anka me ne wo (nipa bͻneni no) ntεm kwan aware sεdeε apueε ne atͻeε (ntεm tenten siteε); enti ͻyͻnko bͻne paa ne no.
39. Moyεε bͻne yi deε, ԑnnԑ da yi nokorε sε, kyε a mobεkyε asotwee no mu ho ho mma mfasoͻ mma mo.
40. (Nkͻmhyεni), wobetumi ama ͻsosifoͻ ate asεm, anaa w‘atene onifrani a ͻwͻ yera mu kͻ akyirikyi paa no?
41. Enti sε Y‘eyi wo firi hͻ mpo a, nokorε sε Yε‘betua wͻn bͻne no so ka.
42. Anaa nso sε Y‘εbεma wo (atena ase) ahu deε Y‘ahyε wͻn ho bͻ no; na εyε nokorε sε Yε‘wͻ wͻn so tumi.
43. Enti (Nkͻmhyεni), sͻ Adiyisεm a Y‘ayi ama woͻ no mu yie; nokorε sε, wo wͻ kwan tenenee so.
44. Nokorε sε (Qur‘aan yi) yε afutusεm ma wone wo nkorͻfoͻ, na yεbebisa mo (εho asεm).
45. Bisa Asomafoᴐ no a Yԑsomaa wᴐn maa wᴐ‘dii w‘anim kan no sε: ―Yefrii Mmͻborͻhunufoͻ Hene no akyi yεε anyame bi maa wͻn sε wͻnsom wͻn anaa?
46. Nokorε sε Yεde Yεn nsεnkyerεnee somaa Mose maa no kͻͻ Farao ne nenhemfo hͻ, na ͻka kyerεε wͻn sε: ―Meyε abͻdeε nyinaa Wura Nyankopͻn no Somafoͻ‖.
47. Nanso εberε a ͻde Yεn nsεnkyerεnee no brεε wͻn no hwε, wͻ‘seree (Yεn nsεnkyeεnee no).
48. Nsεnkyerεnee a Ye‘yi kyerεε wͻn (akyire yi) biara no, na εso kyεn ne nua (nsεnkyerεnee dada a edii kan no); na Yε‘de asotwee sͻͻ wͻn mu sεdeε wͻ‘bεsan wͻn akyi (afri kwan bͻne so aba kwan pa no soͻ).
49. Asεm a wͻ‘ka kyerεε (Mose) ne sε: ―Nkonyaayini, frε wo Wura Nyankopͻn ma yεn sεdeε Ɔne wo bͻhyε kyerε no. Nokorε sε yε‘bεfa tenenee (kwan no) so.
50. Nanso εberε a Ye‘yii asotwee no firii wͻn soͻ no hwε, wͻ‘buu bͻhyε no so.
|
| | | | أحمد محمد لبن Ahmad.M.Lbn
مؤسس ومدير المنتدى
عدد المساهمات : 52644
العمر : 72
| | موضوع: رد: QUR’AAN 43, SUURATU ZUH’RUF (B43) الثلاثاء 19 يوليو 2022, 8:11 pm | |
|
51. Farao bͻͻ no dawuro wͻ nenkorͻfoͻ no mu, ͻkaa sε: ―Ɛnyε me na Misirim ahennie no ne saa nsubͻnten a εnenam m‘ase yi wͻ me? Enti monhunu anaa?‖
52. Menyε nkyεn (Mose) woi, animguaseε (nipa) yi a ontumi nkasa pefee yi?
53. Adεn na yεmma no sika kͻkͻͻ nkapo, anaasε Soro abͻfoͻ mma mmεka ne ho ne no nnto santen?
54. (Farao) yε maa ne nkorͻfoͻ no faa (asεm kεseε) no agodisεm, enti wͻ‘yεε sotie maa no.
Nokorε sε na wͻ‘yε nkorͻfoͻ a wͻ‘yε nsεmͻnedifoͻ paa.
55. Ɛberε a wͻ‘hyεε Yεn abufuo no Yetuaa wͻn bͻne no so ka, na Yε‘maa nsuo faa wͻn nyinaa.
56. Na Yε‘yεε wͻn asεm-nnahͻͻ ne mfatoho de maa nkyiri mma no.
57. Ɛberε a yεbͻͻ Mar‘yam ba (Yesu) din yεε mfatoho no, hwε sε na wo nkorͻfoͻ no de anigyeε reyε dede.
58. Wͻ‘kaa sε: ―Y‘abosom no mmom na εyε anaa sε ͻno (Yesu)? Ɛnyε hwee ho nti na wͻ‘yԑԑ saa mfatohoo yi kyerԑԑ woᴐ, na mmom akyingyeε nti. Aane, wͻ‘yε nkorͻfoͻ bi a wͻ‘yε akyinnyegyefoͻ paa.
59. (Yesu) gyinaberε ara ne sε ͻyε (Onyankopͻn) akoa a Yε‘de Y‘adom dom no na Yε‘de no yεε mfatoho maa Israel mma.
60. Sε Yε‘pε a anka Yε‘bεma momu bi ayԑ Soro abͻfoͻ asi moanan mu wͻ asaase so.
61. Nokorԑ sԑ ͻno anaa ԑno ne dɔnhwere no nimdeε ho nsεnkyerεnee, enti monhwε na moamma moadwen annyε mo ntanta wͻ ho na moni m‘akyi. Woi ne ͻkwan tenenee no.
62. Na momma ͻbonsam nnsi mo kwan; nokorε sε ͻyε motamfo pefee.
63. Ԑberε a Yesu de nyinasoͻ ne nkyerεkyerεmu pefee baeε no ͻkaa sε: ―Nokorε mede adwen (anaasε nyansa) abrε mo, na merebεkyerε mo nneεma bi a monnte moho ase wͻ ho no ho. Enti monsuro Nyankopͻn na monyε sotie ma me ―.
64. Nokorε sε Onyankopͻn na Ɔyε me Wura εna Ɔyε monso mo Wura, enti monsom no. Woi ne ͻkwan tenenee no.
65. Nanso wͻn mu mmusua kuo no ntεm totoeε. Enti due nka wͻn a wͻ‘yε bͻne no wͻ asotwee yaaya da no.
66. Enti deε wͻ‘retwεn ara ne sε Dͻnhwere no bεba wͻn so mpofirem wͻ abrε a wͻ‘nnim?
67. Saa Da no ayͻnkofoͻ bεdane atamfoͻ ama wͻn ho wͻn ho, gyesε Nyamesurofoͻ no.
68. (Yε‘bεka akyerε agyidiefoͻ no sε): ―Menkoa, suro biara nnihͻ dema mo Ɛnnε da yi, na mowerε nso nnho.
69. (Menkoa no a) na wͻ‘gye Yεn Nsεm no die a na wͻ‘yε Muslimifoͻ, brε wεn ho aseε no.
70. ―Mone moyerenom monfa anigyeε nwura Soro aheman no mu.
71. Sika nyowa ne nkuruwa betwa wͻn ho ahyia; ͻkra akͻnnͻ deε ne deε εyε anii fε biara bi wͻ mu; na emu na mobεtena afe bͻͻ.
72. Woi ne Soro aheman no a εnam dwumadie a modiiε no ho nti yεbεma mo adi adeε wͻ mu no.
73. Mowͻ nnuaba pii wᴐ mu, na emu na mobedidie.
74. Nokorε sε abͻneεfoͻ no bεtena Amanehunu gya asotwee mu.
75. Yε‘nngo (asotwee no) mu mma wͻn koraa, na emu na wͻ‘benya abamu buo.
|
| | | | أحمد محمد لبن Ahmad.M.Lbn
مؤسس ومدير المنتدى
عدد المساهمات : 52644
العمر : 72
| | موضوع: رد: QUR’AAN 43, SUURATU ZUH’RUF (B43) الثلاثاء 19 يوليو 2022, 8:11 pm | |
|
76. Ɛnyε Yεn na Ye‘dii wͻn amim, na mmom na wͻ‘yε abͻneεfoͻ.
77. Wͻ‘besu (afrε ͻbͻfoͻ a ͻhwε Egya no soͻ no sε): ―Maalik, Mawo Wura Nyankopͻn nku yεn prεko.‖ (Maalik) bεka akyerε wͻn sε: ―Mobεtena mu afe bͻͻ.
78. Ampa sε Y‘εde Nokorε no abrε mo, nanso mo mu pii kyiri Nokorε no.
79. Anaasε (Qurashfoͻ), moabͻ (Me Nkͻmhyεni no ho) pͻ bͻne bi anaa? Ɛneε Yεn nso Y‘afa adwen.
80. Anaasε (abͻneεfoͻ no) dwen sε Yεnnte wͻn nsumaeε mu ne wͻn kokoa mu agyinatuo no mu nsεm anaa? Daabi, Y‘asomafoͻ wͻ wͻn hͻ a wͻ‘retwerε (biribiara).
81. (Nkͻmhyεni), ka sε: ‖Sε Ahummͻborͻ Hene no wͻ ba a, εneε mene asomfoͻ no nea odi kan‖.
82. Kronkron Hene ne ͻsoro ne asaase Wura Nyankopͻn, Tumi Ahennwa Wura no Ɔkorͻn, so, kyεn deε wͻ‘de susu no no.
83. Enti (Nkͻmhyεni), wodeε gyae wͻn ma wͻ‘nkeka nsεm hunu na wͻ‘ni agorɔ nkosi sε wͻ‘behyia wͻn Da no a yahyε wͻn ho bͻ no.
84. Ɔno ne Nyankopͻn wͻ soro, na Ɔno ara nso ne Nyankopͻn wͻ asaase so, na Ɔne Onyansafoͻ no, na Ɔno ara nso ne Onimdefoͻ no a Onim biribiara no.
85. Nhyira ne Nea ͻsoro ne asaase so, ne deε εwͻ mfimfii (nyinaa) ahennie wͻ no no, na Nehͻ na Dͻnhwere no ho nimdeε no wͻ; na Nehͻ na mobεsan akͻ.
86. Wͻn a wͻ‘fri N‘akyi su frε wͻn no nni ntwitwagyeε ho tumi, na mmom gyesε wͻn a wͻ‘di Nokorε no ho adanseε no, na wͻ‘nim (sɛ Nyankopɔn yɛ baako ampa).
87. Sε wobisa wͻn sε: ―Hwan na Ɔbͻͻ wͻn a, wͻ‘bεka sε: ―Nyankopͻn‖. Adεn na afei wͻ‘retwe wͻn ho (fri Nokorε no ho)?
88. (Nkͻmhyεni) suu nesε: ―Me Wura Nyankopͻn, woi nom yε nkorͻfoͻ a wͻ‘nnye nnie;
89. (Nkͻmhyεni), Dane woho firi wͻn ho na ka sε: ―Asomdwiε.‖ Na εnkyε wͻ‘behu (nokorɛ a ɛwɔ mu biara).
|
| | | | | | QUR’AAN 43, SUURATU ZUH’RUF (B43) | |
|
مواضيع مماثلة | |
|
| | صلاحيات هذا المنتدى: | لاتستطيع الرد على المواضيع في هذا المنتدى
| |
| |
| |
