|
| | QUR’AAN 36, SUURATU YAA SIIN |  |
| | | كاتب الموضوع | رسالة |
|---|
أحمد محمد لبن Ahmad.M.Lbn
مؤسس ومدير المنتدى
عدد المساهمات : 52644
العمر : 72
| | موضوع: QUR’AAN 36, SUURATU YAA SIIN الأحد 17 يوليو 2022, 11:25 pm | |
| سورةُ یس
QUR’AAN 36, SUURATU YAA SIIN
(ME HYJ ASEJ WC) ONYANKOPͻN DIN MU, AHUMMͻBORͻ HENE, ƆDΕΕFOͻ HENE
1. Yaa siin.
2. Nyankopͻn de Qur‘aan a Nyansa ne adwen ahyε mu mma no di nse sε:
3. (Nkͻmhyεni), nokorε sε woka Asomafoͻ no ho;
4. (Na wonam) ͻkwan tenenee no so.
5. (Qur‘aan) yε Adiyisεm a efri Otumfoͻ, Mͻborͻhunufoͻ Hene no hͻ,
6. Sεdeε wode bεbͻ amanfoͻ a yammͻ wͻn agyanom kͻkͻ no a, enti wͻn werε afri (wͻn ho) no kͻkͻ.
7. Ampa sε, asεm no mu nokorε atia wͻn mu (nnipa) pii, efirisε wͻ‘nnye nni.
8. Nokorε sε, Yε‘de dadewεmfoͻ agu wͻn kͻn mu abεpem wͻn abͻdwe, enti wͻn ti apagya hwε soro (a wͻ‘ntumi nnsi wͻn tri aseε).
9. Yε‘de εban nso asi wͻn anim, εna εban san wͻ wͻn akyi εna Y‘akata wͻn soͻ, enti wͻn nhunu hwee.
10. Sε wobͻ wͻn kͻkͻ o, anaasε w‘ammͻ wͻn kͻkͻ o, ԑyε asεm korͻ ma wͻn sԑ wͻ‘nnye nni.
11. Nea εsεsε wobͻ no kͻkͻ ne obi a odi Afutusεm (Qur‘aan) no akyi, na osuro Ahummͻborͻ Hene no wͻ kokoa mu. (Nkͻmhyεni), Fa bͻnefakyε ne Animuonyam akatua kεseε no ho bͻhyԑ ma (saa nipa) no.
12. Nokorε sε, Yεn na Yenyane awufoͻ no, na Yε‘twerε deε (adasamma ayε) de ato (wͻn) anim ne (faako a) wͻn anamͻn (anante akͻduru biara), na Y‘asese biribiara wͻ Nwoma pefee no mu.
13. Fa kuro (Antiok) so foͻ no yε mfatoho ma wͻn, εberε a Asomafoͻ no baa wͻn hͻ no.
14. Ɛberε a Yε‘somaa (Asomafoͻ) mmienu kᴐᴐ wͻn hͻ no, wͻ‘annye wͻn anni, enti Yε‘de deε ͻtͻso mmiεnsa bεfoaa wͻn so; na wͻ‘ka kyerεε (kuro no mu foͻ no) sε: ―Nokorε sε, yε‘yε moasomafoͻ‘‘.
15. (Antiokfoͻ no) kaa sε: ‖Moyε nnipa tesε yεn ara. Ahummͻborͻ Hene no nsianee hwee (maa mo), mo saa (nkorͻfoͻ yi) moyε nkontompofoͻ‖.
16. (Asomafoͻ no) kaa sε: ―Ye‘Wura Nyankopͻn Nim yie sε, nokorε, yε‘yε Asomafoͻ ma mo,
17. Y‘adwuma ara nesε, yεbεbͻ (Asεm no ho) dawuro akyerεkyerε mu.
18. (Antiokfoͻ no) kaa sε: ‗‘Yehunu sε moyε mmusuo ma yεn, enti sε moanyae (monsεm no ka) a, yεbesi mo aboͻ, na yεde asotwee a εyε ya paa a efri yεn hͻ atwe moaso.
19. (Asomafoͻ no) kaa sε: ―Mommusuo no fri mo ara mohͻ, sε anka moredwen a. Daabi, moyε nnipa nsεmmͻnedifoͻ.
20. Ɔbarima bi (Habiib Najaar) de ahoͻherε fri kuro no akyirikyiri baabi bae bεkaa sε: ―Menkorͻfoͻ, moni Asomafoͻ no akyi.
21. Moni wͻn a wͻ‘mmisa mo (nsεmpa a wͻ‘reka kyerε mo) no ho akatua no akyi, efrisε wͻ‘yε ateneneefoͻ.
22. Ԑdeεn nti na εnsεsε mesom (Nyankopͻn) no a Ɔbͻͻ me, na Nehͻ na mobεsan akͻ?
23. Menfri N‘akyi mfa anyame (foforͻ nsom wͻn wͻ aberε a) sε Ahummͻborͻ Hene Nyankopͻn pε me bͻne anaa ͻhaw bi a, (anyame no) ntwitwagyeε ho mma me mfasoͻ biara, na wͻ‘nntumi nnye me nso?
24. (Sε meyε saa a), εneε na nokorε sε, mewͻ ͻyera pefee paa mu.
25. Nokorε sε m‘agye mo Wura Nyankopͻn no adi enti montie me‖. |
| | | | أحمد محمد لبن Ahmad.M.Lbn
مؤسس ومدير المنتدى
عدد المساهمات : 52644
العمر : 72
| | موضوع: رد: QUR’AAN 36, SUURATU YAA SIIN الأحد 17 يوليو 2022, 11:25 pm | |
| 26. Yε‘ka kyerεε no sε: ‖Wura Soro Aheman no mu. (Habiib) kaa sε: ―Sε anka menkorͻfoͻ no nim-
27. Sεdeε me Wura Nyankopͻn de me bͻne akyε me, na Ɔde me aka animuonyamfoͻ no ho a‖.
28. (Habiib Najaar kum no) akyi no, Y‘ansoma asraafoͻ amfiri soro amma ne nkorͻfoͻ no so, na enhia sε yεsoma mpo.
29. Na mmom εyε nteamu fua pε (na Nyankopͻn maa Ɔbͻfoͻ Gabriel bεteaa mu guu wͻn soͻ), na hwε, wͻn (nyinaa) tεm dinn (a wͻn awuwuo).
30. A o, berε a Menkoa no aberε aguo! Ɛberε biara a ͻsomafoͻ bi bεba wͻn hͻ no gyesε wͻ‘di ne ho fεw.
31. Enti wͻ‘nhunuu awoͻ ntoatoasoͻ dodoͻ a wͻ‘dii wͻn anim kan a Y‘asεe wͻn, na wͻ‘nnsan mma wͻn hͻ bio?
32. Nokorε nso sε wͻn mu biara, (wͻn) nyinaa Y‘anim na wͻ‘bεsan aba.
33. Asaase a awuo nso yε nsεnkyerεnee ma wͻn, Ye‘nyane no, na Y‘ama nnͻbaeε apuepue afri mu, na emu bi na wͻ‘die.
34. (Asaase no ara) so na Y‘ayε akyiresua ne bobe fuo, emu ara nso na Yεma nsutire puepue.
35. Sεdeε wͻ‘bedi ne nnuaba no; (woi nom nyinaa) εnyε wͻn nsa na wͻ‘de yͻeε. Enti wͻn (nnhwε ho) nna (Nyankopͻn) ase?
36. Kronkron Hene ne Nea Ɔbͻͻ adeε a εwͻ asaase so nyinaa mmienu-mmienu (onini ne bedeε), ne wͻn ara mu nso (saa ara na yabͻ wͻn onini ne ͻbedeε), ne adeε a wͻ‘nnim nso mu.
37. Adesaeε a yεyi firi adekyeε mu ma esum to wͻn no nso yε nsεnkyerεnee ma wͻn.
38. Awia nam nekwan a yahyehyε ama no so. Woi yε Otumfoͻ Nimdefoͻ no nhyehyεε.
39. Bosome nso Y‘ahyehyε soε berε ama no kͻpem sε εbεsan ayε sε akyiresua papa dadaa a awoͻ na akoa.
40. Ԑmma sԑ awia bԑto bosome, anaasԑ anadwo besan adekyeԑ ho. Wᴐn mu biara nam nekwan so yᴐᴐ.
41. Wͻn asefoͻ a Yε‘soaa wͻn wͻ (Noa) hyεn a ayε mma no mu no yε nsεnkyerεnee ma wͻn.
42. Y‘abͻ (Noa nhyεmma no) nso sεso ama wͻn a wͻ‘foro tena mu.
43. Sε Yε‘pε a, anka Yε‘bεma wͻn amem na wͻ‘nnya obi a wͻ‘besu afrε no anaa obia obεgye wͻn.
44. Mmom εyε ahummͻborͻ a efiri Yεn nkyεn, ne anigyedeε dekͻpem εberε ( a yahyε).
45. Sε yεka kyerε wͻn sε: ―Monsuro deε εda moanim ne deε εda moakyi sεdeε yebehu mo mmͻbͻ a,
46. Nsεnkyerεnee mu nsεnkyerεnee biara a efri wͻn Wura Nyankopͻn hͻ aba wͻn hͻ no, wͻ‘danee wͻn ho firii ho.
47. Sε yεka kyerε wͻn sε: ―Monyi deε Nyankopͻn de ama mo no mu bi ma a, wͻn a wͻ‘nnye nnie no ka kyerε wͻn a wͻ‘agye adie no sε: ‖Yεmͻ wͻn a sε Nyankopͻn pε a Obetumi abͻ wͻn akͻnhoma no akͻnhoma? (Kaafirfoͻ no ka kyerε agyidiefoͻ no sε): ―Nokorε sε mowͻ ͻyera pefee paa mu ―.
48. Wͻ‘ka nso (kyerε agyidiefoͻ no) sε: ―Sε moyε nokwafoͻ ampa a, dabεn na saa bͻhyε no (bεba)?‖
49. Enti deε (boniayεfoͻ no) retwεn ara ne Nteamu fua pε no?. Ɛbεsͻ wͻn mu wͻ εberε a wͻ‘regye akyinnyeε!
50. (Saa Da no) wͻ‘ntumi nyε nsamanseε, na wͻ‘ntumi nso nsan nkͻ wͻn abusuafoͻ hͻ bio. |
| | | | أحمد محمد لبن Ahmad.M.Lbn
مؤسس ومدير المنتدى
عدد المساهمات : 52644
العمر : 72
| | موضوع: رد: QUR’AAN 36, SUURATU YAA SIIN الأحد 17 يوليو 2022, 11:26 pm | |
| 51. Sε yεbͻ totorobεnto no mu (deε etwa toͻ no) a, wobehunu sε wͻ‘de ahoͻhare firi adakamena mu rekͻ wͻn Wura Nyankopͻn hͻ.
52. (Saa Da no boniayεfoͻ no) bεka sε: ‖Adi ayε yεn! Hwan na wanyane yεn afiri faako a yεda yi? (Soro abͻfoͻ anaasε agyidiefoͻ no beyi wͻn ano sε): ―Woi na Ahummͻborͻ Hene no hyεε ho bͻ no. Asomafoͻ no asεm no ayε nokorε‖.
53. (Wusͻreε no deε) εyε nteamu fua pε, na wobehunu sε yεde wͻn nyinaa aba Y‘anim.
54. Saa Da no yensisi ͻkra bi wͻ biribiara ho, na mmom dwuma a modiiε no na yebetua mo ho ka.
55. Nokorε sε saa Da no, Soro Aheman no mu foͻ no bεgye wͻn ani papaapa (anaasε anigyeε bεgye wͻn adaagyeε).
56. Wͻ‘ne wͻn yerenom wͻ enyunu mu, tete ahennwa so.
57. Nnuaba (ahodoͻ nyinaa bi) wͻ hͻ ma wͻn, na wͻ‘nsa bεka deε wͻ‘bebisa biara.
58. ‗Salaam!‘ Asomdwiε ne kasa a efiri Mmͻborͻhunufoͻ Hene no hͻ.
59. Abͻneεfoͻ, εnnε Da yi montwe mo ho (mfri agyidiefoͻ no ho).
60. (Nyankopͻn bεka sε): ―Adasamma Manntu mofo sε, monhwε yie na moansom ͻbonsam, efrisε ͻyε mo tamfo pefee?
61. Na mmom monsom Me, na εno ne ͻkwan tenenee no?
62. Nokorε sε (ͻbonsam) ayera mo mu nnipa dͻm pii, enti monnfa adwen?
63. Woi ne Amanehunugya no a yεhyεε moho bͻ no.
64. Monwura mu nnε Da yi εnam sε moannye annie nti.
65. Saa Da no Ye‘besi wͻn ano ho kwan, na wͻ‘nsa bεkasa akyerε Yεn, na wͻn nnan nso bedi adanseε wͻ deε wͻ‘nyaeε no ho.
66. Sε Yε‘pε a, anka yεbεma wͻn ani afira na wͻ‘akeka apε kwan no, na sεn na anka wͻ‘besi ahunu (kwan)?
67. Sε Yε‘pε nso a anka Yε‘bεsesa wͻn wͻ wͻn tebea mu (ama wͻn adane tesε mmoa anasε biribi) a wͻ‘ntumi nkeka wͻn ho na (wͻn nnkͻ nso) wͻ‘mma.
68. Obia Yε‘ma no nkwa tenten no Yε‘san no ba akyire wͻ mmͻeε no mu (ma n‘ahoͻden akyi no ͻbεyε mmrε). Enti wͻ‘nni nteasε?
69. Y‘ankyerε (Muhammad) awensεm, na εmfata mma no, na mmom εyε afutusεm, εyε Qu‘raan (a emu nsεm da adi) pefee,
70. Sεdeε ͻde bεbͻ obi a ͻte aseε kͻkͻ, na asεm no ayε nyinasoᴐ atia boniayεfoͻ no.
71. Enti wͻ‘nhunuu sε Yεn na Yε‘bͻͻ nneεma a Yεn nsa ayε a emu bi ne nyεmmoa a wͻ‘di wͻn so (tumi) no maa wͻn?
72. Ɛna Y‘abrε wͻn ase ama wͻn a, emu bi wͻ‘foro tena wͻn so, εna emu bi nso wͻ‘we (wͻn nnam).
73. Ɛna wͻ‘nya mfasoͻ (pii) wͻ wͻn ho, ne anomdeε (tesε nufusuo). Enti wͻn (nnhwε ho) nnyi (Nyankopͻn) ayε?
74. Wͻ‘afri Nyankopͻn akyi afa anyame (foforͻ) sε wͻ‘bεboa wͻn.
75. Wͻ‘ntumi mmoa wͻn, na mmom yεde wͻn bεba sε εdͻm (ama wako atia wͻn a wͻ‘som wͻn no wͻ atemmuda).
76. Enti (Nkͻmhyεni), εmma wͻn nsεmkeka no nnyε wo awerεho, nokorε sε Ye‘nim deε wͻ‘de suma ne deε wͻ‘da no adie (nyinaa).
77. Anaasε onipa nhunuu sε Yεn na Yε‘bͻͻ no firi ahobaeε mu? Na hwε sε ͻno mmom ne ͻkotiafoͻ pefee no.
78. Ɔde Yεn yε mfatoho ma newerε firi ne mmͻeε (ahyԑase). Ɔka sε: ―Hwan na obenyane nnompe a ahunu?‘‘.
79. (Nkͻmhyεni) Ka sε: ―Nea Ɔbͻͻ no wͻ εberε a edi kan no, (saa Tumfoͻ no) ara na Obenyane no, na Ɔne abͻdeε biara ho Nimdefoͻ.
80. Ɔno na Ɔma mo egya firi dua mono mu a εno na mosͻ.
81. Enti Nea Ɔbͻͻ soro ne asaase no, Onni tumi sε Otumi bͻ ne sε so? Aane; Ɔne Ɔbͻͻ Adeε, Nimdefoͻ no.
82. Nokorε, sε Ɔpεsε Ɔyε biribi a, N‘ahyεdeε ara nesε Ɔbεka sε: ― Yε!‖ Na ayε.
83. Enti Kronkron Hene ne Nea biribiara ho tumi wͻ Nensa mu no, na Nehͻ na mo mobεsan akͻ. |
| | | | | | QUR’AAN 36, SUURATU YAA SIIN | |
|
مواضيع مماثلة | |
|
| | صلاحيات هذا المنتدى: | لاتستطيع الرد على المواضيع في هذا المنتدى
| |
| |
| |
