سورةُ الطلاَق
QUR’AAN 65, SUURATU-TOALAAQ
(ME HYJ ASEJ WC) ONYANKOPͻN DIN MU, AHUMMͻBORͻ HENE, ƆDΕΕFOͻ HENE
1. Nkͻmhyεni, sε mogyae mmaa no a, monyae wͻn wͻ wͻn berε (a yahyehyε) no mu; monsese εberε no na monsuro Nyankopͻn, mo Wura no. Monhwε na moantu wͻn anfri wͻn afie mu, na εmma wͻn ara nso nntu; gyesε ebia wͻ‘bu ahohwi bra bi a εda adie. Woi ne Nyankopͻn mmra.
Obia obebu Nyankopͻn mmra soͻ no, nokorε sε w‘adi ne kraa amim. Wonnim sε ebia εno akyi no Nyankopͻn bεma asεm foforͻ bi aba.
2. Enti sε wͻn (Idda) berε (bosome mmiεnsa) no so a, momfa ayεmyε nsͻ wͻn mu, anaasε mone wͻn ni mpaepaemu wͻ kwan pa so; na moma momu nnipa mmienu a wͻ‘di nokorε ni ho adanseε, na moni adanseε no ma Nyankopͻn. Woi na yεde tu obia osuro Nyame ne Da a etwa toͻ no foͻ. Obia obesuro Nyankopͻn no Ɔbebue kwan ama no-
3. Na W‘abᴐ no akᴐnhoma afri faako a onni ho anidaasoͻ koraa. Obia ͻde ne ho bεto Nyankopͻn soͻ no, Ɔsombo ma no. Nokorε sε Nyankopͻn deε N‘ahyεdeε (biara) yε hͻ. Ampa sε Nyankopͻn de nhyehyεε ato biribiara ho.
4. Mommaa no mu bi nso a wͻn atwa bra no, sε moadwen nnsi mo pi wͻ wͻn ho a, wͻn (Idda) berε no yε bosome mmiεnsa; na wͻn nso a wͻ‘nyεε bra da no nso (bosome mmiεnsa saa ara).
Apemfoͻ no nso wͻn berε ne εberε a wͻ‘bεsoε wͻn adesoa no (anaasε εberε a wͻ‘bεwoͻ). Obi a ͻbesuro Nyankopͻn no, Ɔbεma n‘asεm ayε bͻkͻͻ ama no.
5. Woi ne Nyankopͻn ahyεdeε a W‘asiane ama mo. Na obia ͻbesuro Nyankopͻn no Ɔbεpepa ne bͻne afri ne so, na W‘ama n‘akatua ayε kεse ama no.
6. Moma (mmaa) no ntena faako a moteε sεdeε moahoͻden siteε, na monhwε na moanha wͻn amma wͻn ho ankyere wͻn. Sε wͻ‘yε apemfoͻ a momͻ wͻn akͻnhoma nkosi sε wͻ‘de wͻn adesoa no bεto hͻ. Nasε wͻ‘ma (mmͻfra no) nufuoͻ mamo a, monfa wͻn akatua ma wͻn; na monfa ͻkwan pa so ntoto biribiara wͻ montεm pεpεεpε; nasε moma no yε den ma moho a (anaasε agya ne εnna no monnte moho ase a), εneε obi foforͻ mma (abͻfra no) nufoͻ mma (agya) no.
7. Obia nensam wͻ bie no, onyi no sεdeε nensam wͻ bie, na nea nensam nni bie no nso onyi no sεdeε Nyankopͻn de ama no. Nyankopͻn mfa adesoa nsoa ͻkra bi, gyesε deε n‘ahoͻden betumi. Ahokyerε akyi no Nyankopͻn bεma no ayε mmrε.
8. Nkuro dodoᴐ sԑn na wͻ‘tee wͻn Wura Nyankopͻn ahyεdeε ne N‘asomafoͻ no so atua?
Yε‘maa no buu akonta a ano eε den paa, na Yε‘de asotwee a emu yε den twee n‘aso.
9. Enti ͻkaa ne dwumadie no so aba hwεe, na n‘asεm no awieε yε berεguo.
10. Nyankopͻn asiesie asotwee a ano yε den ama wͻn, enti mmadwemmafoͻ a moagye adie, monsuro Nyankopͻn. Ampa sε Nyankopͻn asiane Afutusεm de abrε mo.
11. (W‘asan nso asoma) Ɔsomafoͻ a ͻrekenkan Nyankopͻn nsεm pefee no (kyerε mo) sεdeε ͻde beyi wͻn a wͻ‘agye adie na wͻ‘di dwuma pa no afri esum no mu de wͻn akͻ εhyεn no mu.
Obia ͻbεgye Nyankopͻn adi na ͻbedi dwuma pa no, Ɔde no bεwura Aheman no a nsubͻnten nenam aseε no mu ama no atena hͻ afe bͻͻ. Ampa sε Nyankopͻn akyε no akyεdeε papa paa.
12. Nyankopͻn na Ͻbͻͻ soro nson εna asaase nso (dodoͻ) te saa ara. Ahyεdeε no siane ba ne mmienu ntԑm sεdeε mobehunu sε nokorε, Onyankopͻn wͻ tumi wͻ biribiara so, na Onyankopͻn Nimdeε nso atwa biribiara ho ahyia.