| | | QUR’AAN 35, SUURATU FAATIR |  |
| | | كاتب الموضوع | رسالة |
|---|
أحمد محمد لبن Ahmad.M.Lbn
مؤسس ومدير المنتدى
عدد المساهمات : 49233
العمر : 72
| | موضوع: QUR’AAN 35, SUURATU FAATIR الأحد 17 يوليو 2022, 5:12 pm | |
| سورة فاطر
QUR’AAN 35, SUURATU FAATIR
(ME HYJ ASEJ WC) ONYANKOPͻN DIN MU, AHUMMͻBORͻ HENE, ƆDΕΕFOͻ HENE
1. Aseda no wͻ Onyankopͻn, ͻsoro ne asaase Bͻfo no a W‘ayε Soro abͻfoᴐ asomafoͻ a (ebi) wͻ ntaban mmienu ne mmiεnsa ne nnan. Ɔde deε Ɔpε ka N‘abͻdeε no ho. Nokorε sε, Nyankopͻn wͻ biribiara so tumi.
2. Adeε a Onyankopͻn bebue ama onipa afri N‘ahummͻborͻ mu no obiara nni hͻ a obetumi asi ho kwan. Na deε W‘asi ho kwan no nso obiara nni hͻ a obetumi afri N‘akyi de ama. Ɔne Otumfoͻ no a Otumi ade nyinaa yε, Ɔne Onyansafoͻ no.
3. Adasamma, monkae Onyankopͻn adom a εwͻ mosoͻ. Enti Onyankopͻn akyiri no ͻbͻͻ adeε foforͻ bi wͻ hͻ a ͻbͻ mo akͻnhoma firi soro ne asaase soͻ? Awurade (foforͻ) biara nni hͻ gyesε Ɔno (nko ara). Afei adεn na moredane mo ho firi ( Ne ho)?
4. (Nkͻmhyεni), sε wᴐ‘bu wo nkontomponi a, saa ara na wᴐ‘buu asomafoͻ a wͻ‘dii w‘anim kan no nkontompofoͻ. Onyankopͻn hͻ na dwumadie nyinaa san kͻ.
5. Adasamma, ampa sε Onyankopͻn bͻhyε yε nokorε, enti momma wiase asetena yi nnaadaa mo, na momma nnaadafoͻ hene (bonsam) no nnaadaa mo fa Onyankopͻn ho
6. Nokorε sε ͻbonsam yε ͻtamfo ma mo, enti momfa no nyε motamfo. Deε ͻrefrε nenkorͻfoͻ no akͻ ara ne sε deε wͻ‘bεyε Ogya no mu foͻ.
7. Wͻn a wͻ‘yi boniayε no wͻ asotwee a ano yε den, na wͻn a wͻ‘agye adie na wͻ‘di dwuma pa no wͻ bͻnefakyε ne akatua kεseε (wͻ wͻn Wura Nyankopͻn hͻ).
8. Obia ne dwumadi bͻne yε no fε na ohunu (dwmadi bͻne) no sε papa no, (saa nipa no ne obia odi dwuma pa na εsε)? Nokorε sε Onyankopͻn yera obi a Ɔpε εna Ɔtene obi a Ɔpε nso. Enti (Nkͻmhyεni), εmma wo kraa ho nyera no nni wͻn ho awerεhoͻ. Nokorε sε Onyankopͻn Nim dwuma a wᴐ‘die (nyinaa).
9. Onyankopͻn na Ɔsoma mframa ma εboa mununkum ano, na Ya‘pia kͻ ͻman a awuo so, na Yε‘de anyane asaase wͻ newuo akyi. Saa ara na Owusᴐreε no teε.
10. Obia ͻrehwehwε animuonyam (anaa) tumi no, animuonyam (anaa) tumi nyinaa wͻ Nyankopͻn. Nehͻ na kasapa ma nehoso kͻ, εna dwumadi pa nso Ɔbͻ n‘abasoͻ. Wͻn a wͻ‘refa bͻne ho adwen no wͻ asotwee a ano yε den paa, saa adwen bͻne no bεsopa.
11. Onyankopͻn bͻͻ mo firii mfuturo mu, εna afei ahobaeε mu εna Ɔyεε mo mmienu mmienu (onini ne ͻbedeε). Sε ͻbaa bi benyinsεn anaasε ͻbεwoᴐ (ne nyinaa wͻ) Nenimdeε mu. Ԑmma sԑ yԑbԑma obi nkwa tenten anaa nenkwa so bԑteε (nenyinaa) wͻ Nwoma mu. Nokorε sε woi deε εyε adeε a εyε mmrε ma Nyankopͻn.
12. Ͻpo mmienu no (mu nsuo) nnyε pε; woi yε abodwo (suo a) ne nom yε dε, woi nso yε nkyenenkyene nyononyonoonyon. Emu biara mu no (monya) nam mono a moweε firi mu, san yi mpempranneε a mode siesie moho firi mu. Mohunu nsuo mu hyεn nso sε εnam asorͻkye mu, sεdeε mode bεhwehwε N‘adom na anka mobeyi (no) ayε.
13. Ͻma anadwo wura adekyeԑ mu ԑna Ͻma adekyeԑ nso wura anadwo mu, ԑna Wama awia ne bosome abrԑ wᴐn ho ase. Wᴐn mu biara nam wᴐ berԑ a yahyehyԑ so. Woi ne Nyankopᴐn, mo Wura no; Ͻno na ahennie no wᴐ no. Wᴐn a mofri N‘ákyi sufrԑ wᴐn no wᴐ‘nni akyiresua aba hono mpo ho tumi.
14. Sε mosu frε wͻn a wͻ‘nnte mo sufrε; sε wᴐ‘te mpo a wᴐ‘nnye mo so. Atemuda no wͻ‘bεpo sε mode wͻn bataa (Onyankopͻn) ho no. (Saa Da no) obiara ntumi mmͻ mo amaneε tesε deε Biribiara ho Nimdefoͻ no bεbͻ mo (amaneε) no.
15. Adasamma, mo na mohia Nyankopͻn, na Onyankopͻn deε Ɔne Ͻdefoᴐ no, Ɔne Ayeyie Wura no.
16. Sε Ɔpε a Obeyi mo afiri hͻ na Ɔde abodeε foforͻ aba (abesi moanan mu).
17. Na εno deε εnyε den mma Nyankopͻn koraa,
18. Na obi a ͻso adesoa no nnsoa obi foforͻ adesoa. Sε obi a ͻso adesoa a emu yε duro frε ͻfoforͻ (sε ͻmoa no) na ͻyε nebusuani mpo a, (ontumi) nsoa (n‘adesoa no) mu hwee.
(Nkͻmhyεni), obi a bͻ no kͻkͻ ne wͻn a wͻ‘suro Onyankopͻn wͻ nsumaeε mu na wͻ‘frε Nyame wͻ ne berε mu. Na obi a ͻte (ne kraa) ho kronkron no, ͻte (ne kraa) no ho dema ͻno ara ne ho.
Na Onyankopͻn hͻ ne (biribiara) nnkyi.
19. Onifrani ne obi a ohunuu adeε nnyε pε.
20. Na esum ne εhyεn nso (nnyε pε).
21. Saa ara nso na enyunu ne ͻhyew (nnyε pε).
22. Awufoͻ ne ateasefoͻ nso nnyε pε. Nokorε sε Nyankopͻn ma obi a Ɔpε te, na wontumi mma wͻn a wͻn wͻ adakamena mu no nnte asεm.
23. (Nkͻmhyεni), w‘asεdeε ara ne sε woyε kͻkͻbͻni.
24. Yε‘de Nokorε no na asoma wo sε anohoba ne kͻkͻbͻ bᴐfoᴐ. Ͻman biara so (yε‘somaa) kͻkͻbͻni kͻͻ wͻn hͻ,
25. Sε wͻ‘bu wo nkontomponi a, saa ara na wͻ‘buu wͻn a wͻ‘dii wͻn anim kan no nkontompofoͻ. Wͻn asomafoͻ no de nyinasoͻ ne nkyerεkyerεmu pefee no ne Nyamesεm no ne Nwoma pefee no brεε wͻn. |
| | | | أحمد محمد لبن Ahmad.M.Lbn
مؤسس ومدير المنتدى
عدد المساهمات : 49233
العمر : 72
| | موضوع: رد: QUR’AAN 35, SUURATU FAATIR الأحد 17 يوليو 2022, 5:14 pm | |
| 26. Afei Mesͻͻ wͻn a wͻ‘poeε no mu; na sεdeε M‘abufuhyeε siteε.
27. Wonhunuu sε Onyankopͻn siane nsuo firi soro, dema nnuaba puepue a εho sononkosononko, εna mmepͻ mu nso akwan fufuo ne kͻkͻͻ a egu sononko-sononko wͻ mu, (ebi) nso yε tuntum.
28. Saa ara nso na nnipa ne nkekaboa ne nyεmmoa nso gu sononko-sononko. Wͻn a wͻ‘suro Nyankopͻn wͻ ne nenkoa no mu ne nwomanimfoͻ. Nokorε sε Nyankopͻn ne Otumfoͻ a Otumi ade nyinaa yε, Ɔne Bͻnefakyε Hene.
29. Nokorε sε wͻn a wͻ‘kenkan Nyankopͻn Nwoma no na wͻ‘frε Nyame wͻ ne berε mu na wͻ‘yi deε yεde abͻ wͻn akonhoma no mu bi ma wͻ kokoa mu ne badwa mu no, wͻ‘rehwehwε adwadie a εka bͻ biara nni ho no.
30. Sεdeε Ɔbetua wͻn so ka pεpεεpε na Ɔde N‘adom no bi bεka ho ama wͻn. Nokorε sε Ɔne Bͻnefakyε Hene, Ɔne Ayeyie Wura.
31. Nwoma no mu deε Y‘ayi akyerε woͻ no εno ne nokorε no a εrehyε deε edi n‘anim kan no mma. Nokorε sε Onyankopͻn ani tua N‘akoa, na Ohu biribiara.
32. Afei Yε‘de Yε‘nkoa no mu bi a yeyii wͻn bedii Nwoma no akonwa; wͻn mu bi yԑε bͻne tiaa wᴐn ho, na ebinom nso (dwumadie) yε hͻ-ne-hͻ, na wᴐn mu bi nso di papayᴐ ho akansie wᴐ Nyankopᴐn pε mu, εno ne adom kεseε no.
33. (Saa nkorͻfoͻ no) bεkͻ Aheman a εwͻ hͻ daa no mu, na yεde sika kͻkͻͻ mpͻkoa ne nhwenepa besiesie wͻn na wͻ‘befira kyeme ntoma pa wͻ hͻ.
34. Wͻ‘bεka sε: ―Aseda wͻ Nyankopͻn a W‘ayi awerεhoͻ afri yεn soͻ. Nokorε sε, Ye‘wura ne Bͻnefakyε Hene, Ɔne Ayeyie Wura.
35. (Onyankopͻn) noa N‘adom mu no Ɔde yεn atena Daa asetena yi mu na ͻberε nto yεn, na ͻhaw nso mma yεn soͻ.
36. Wͻn a wͻ‘yi boniayε no nso wͻ Amanehunu gya; yεnhyehyεε εberε mmaa wͻn sε wͻ‘bewu (wͻ Ogya no mu), na yεngo emu asotwee no mu mma wͻn koraa. Saa ara na yetua (onipa) biara a oyi boniayε no so ka.
37. Wͻ‘besu esu denden wͻ mu {aka) sε: ―Ye‘Wura Nyankopͻn, yi yεn (fri amane-hunu yi) mu, na ma yεnsan nkͻ wiase bio na) yebedi dwumapa a εnyε dwuma bͻne a na yedie no.
(Onyankopͻn bεka sε): ―Y‘amma mo nkwa tenten a anka obia ͻde betu (neho) foͻ no (betumi) de atu (neho) foͻ? Kͻkͻbͻni no nso baa mo hͻ‖. Enti monka (mo dwumadie so aba) nhwε, na abͻneεfoͻ no deε wͻ‘nnya boafoͻ.
38. Nokorε sε, Onyankopכn ne ͻsoro ne asaase so Nsumaeε mu Nimdefoͻ. Nokorε sε Onim deε εwͻ akoma mu.
39. Ɔno na Ɔyεε mo ananmusifoͻ wͻ asaase soͻ. Enti obi a obeyi boniayε no, ne boniayε no tia ͻno ara, na boniayεfoͻ no boniayε no nyε nkͻsoͻ (biara mma wͻn) wͻ wͻn Wura Nyankopͻn hͻ, gyesε abufuhyeε, na boniayεfoͻ no boniayε no nyε nkͻsoͻ (biara mma wͻn) gyesε berεguo.
40. Ka kyerε wͻn sε: ‗‘Moahunu wͻn a mode wͻn bata (Nyankopͻn) ho na mofiri Nyankopͻn akyi sufrε wᴐn no? Monkyerε me deε wͻn abͻ no wͻ asaase so, anaasε wͻn wͻ kyεfa wͻ ͻsoro?
Anaasε yama wͻn nwoma bi a emu nkyerεkyerεmu na wͻ‘nam soͻ? Aane; Nnebͻneεfoͻ no hyε wͻn ho wͻn ho bᴐ, nanso (wͻn bͻhyεԑ no) yε nnaadaa.
41. Nokorε sε Onyankopͻn na Okuta ͻsoro ne asaase mu sεdeε emfiri (netebea) hͻ. Nasε efiri hͻ a, obiara nnihͻ a obetumi asͻ mu ka Neho. Nokorε sε Ɔne Ntoboaseε Hene, Ɔne Bͻnefakyε Wura.
42. Wͻ‘de Nyankopͻn dii wͻn nsedie akεseε no sε: ―Sε kͻkͻbͻfoͻ bi baa wͻn hͻ a anka wͻ‘bεyε ateneneefoͻ akyεn ͻman biara. Nanso ͻkͻkͻbͻni baa wͻn hͻ no wͻn annya nkͻsoͻ biara na mmom dwanee (na wͻ‘dwanee nokorε no)-,
43. Yεε akεsesεm wͻ asaase no so bͻͻ pͻ bͻne; na pͻ bͻne no, enya obiara na mmom deε ͻbͻͻ (pͻ bͻne no ara na εbenya) no. Enti deε wͻ‘retwεn ara ne (asotwee) a εtoo tetefoͻ no (sεso)? Wonya nsesaeε wͻ Onyankopͻn kwan no mu, na wonhunu nsakraeε nso wͻ kwan a Onyankopͻn atwa ato hͻ no so.
44. Enti wͻ‘nntu kwan wͻ asaase no so nhwε sεdeε wͻn a wͻ‘dii wͻn anim kan no awieε si wieε? Na wͻn ho yε den sen wͻn wͻ tumi mu. Onyankopᴐn deε biribiara nnihͻ a etumi bu fa ne so wͻ soro anaasε asaase so. Nokorε sε Ɔne Onimdefoͻ, Ɔne Otumfoᴐ.
45. Sε anka Onyankopͻn retwe nnipa aso (wiase ha) wͻ dwuma a wͻn adie ho a, anka εnka abͻdeε biara wͻ asase no so, na mmom Ɔma wͻn berε dekosi εberε a yahyε ato hͻ no. Enti sε wͻn berε no so a, εneε nokorε sε Onyankopͻn deε Ohu Nenkoa no (nyinaa). |
| | | | | | QUR’AAN 35, SUURATU FAATIR | |
|
مواضيع مماثلة | |
|
| | صلاحيات هذا المنتدى: | لاتستطيع الرد على المواضيع في هذا المنتدى
| |
| |
| |
