| | | QUR’AAN 30, SUURATU RUUM |  |
| | | كاتب الموضوع | رسالة |
|---|
أحمد محمد لبن Ahmad.M.Lbn
مؤسس ومدير المنتدى
عدد المساهمات : 49219
العمر : 72
| | موضوع: QUR’AAN 30, SUURATU RUUM الأحد 17 يوليو 2022, 5:01 pm | |
| سورةُ الرُّوم
QUR’AAN 30, SUURATU RUUM
(ME HYJ ASEJ WC) ONYANKOPͻN DIN MU, AHUMMͻBORͻ HENE, ƆDΕΕFOͻ HENE
1. Alif – Laam – Miim.
2. Romafoͻ no adi nkoguo-
3. Wͻ asaase bi a εbεn no so; na wͻn nkoguo no akyi no wͻ‘bedi nkonim -
4. Wͻ mfie tiaa bi akyi. Onyankopͻn hͻ na ahyεdeε a edikan ne deε edi akyire no wͻ. Saa da no na agyidiefoͻ no nso ani bεgyeε.
5. Onyankopͻn mmoa, Ͻde boa obi a Ͻpε, Ͻno na Otumi ade nyinaa yε, Mmͻborͻ-hunufoͻ Hene ne no.
6. (Woi yε) Nyankopͻn bͻhyε; Nyankopͻn deε Ommu Nebͻhyε so, nanso nnipa pii nnim.
7. Deε εda adi wͻ wiase asetena yi mu no na wͻ‘nim, na Daakye no deε wͻn adwen nni so.
8. Anaasε εyε a wͻ‘nnwen (nnkͻ akyiri) wͻ wͻn mu? Nyankopͻn de nokorε no na abͻ ᴐsoro ne asaase ne deε εwͻ ne mmienu mfinfii no, (εwͻ) berε a yahyε ato ho. Nokorε sε, nnipa pii na wͻ‘nnye wͻn Wura Nyankopͻn Nhyiamu (da) no nnie.
9. Anaasε wͻ‘nntu kwan wͻ asaase no so nhwε sεdeε wͻn a wͻ‘dii wͻn anim kan no awieε si wieε? Na wͻn ho yε den kyεn wͻn (Quraishfoͻ no), wͻ‘funtam asaase no tuu mu agudeε, dͻre hyεε asaase so mma kyεn sεdeε wͻn ahyε asaase no so mma no; wͻn asomafoͻ no de nyinasoͻ ne nkyerεkyerεmu pefee no brεε wͻn. Nyankopͻn deε W‘anyԑ wͻn bᴐne, na mmom wͻn ara na wͻ‘yԑԑ wͻn ho bᴐne.
10. Enti awieε bͻne paa na wͻn a wͻ‘yεε bͻne no wieε, efrisε, wͻ‘faa Nyankopͻn nsεm no atorͻsεm, na na wͻ‘di ho fεw.
11. Nyankopͻn na Ɔhyεε abͻdeε aseε, εna Ɔsan bͻ no bio, afei Nehͻ na mo bεsan akͻ.
12. Ɛda a Dͻnhwere no bεsoo no abͻneεfoͻ no bεpa aba.
13. Wͻ‘nnya ntwitwagyefoͻ biara wͻ wͻn a wͻ‘de wͻn bataa Nyankopͻn ho no mu, na wͻ‘bεpo wͻn mmatahoo no.
14. Ɛda a Dͻnhwere no bεsoo no, saa Da no yεbεpaepae wͻn ntεm.
15. Wͻn a wͻ‘agye adie na wͻ‘redi dwuma pa no bεgye wͻn ani wͻ Aheman no mu.
16. Wͻn nso a wͻ‘annye annie na wͻ‘faa Yεn Nsεm no, ne Me Daakye nhyia mu no atorͻsεm no, sa nkorͻfoͻ no bεba asotwee no mu.
17. Enti bͻ Nyankopͻn abodin wͻ εberε a adeε bεsa mo, ne εberε a adeε bεkye mo;
18. Ɔno na ͻsoro ne asaase so ayeyie wͻ no wͻ εberε a onyunu bεdwoͻ ne εberε a owia begyina.
19. Ɔno na Oyi ateasefoͻ fri awufoͻ mu, εna Oyi awufoͻ nso fri ateasefoͻ mu, εna Onyane asaase wͻ ne wuo akyi. Saa ara na mobepue (afri asaase mu) aba (wͻ Daakye Atemmuda).
20. Ne‘nsεnkyerεnee no mu bi ne sε, Ɔbͻͻ mo fri mfuturo mu, afei hwε, moayε nnipa ahwete (wͻ asaase so).
21. Nensεnkyerεnee no nso mu bi ne sε, W‘abͻ yerenom afri momu ama mo sεdeε mobenya awerεkyekyerε wͻ wͻn ho; εna Ɔde ͻdͻ ne ahummͻborͻ ato montεm. Nokorε sε nsεnkyerεnee wͻ woi mu dema wͻn a wͻ‘kaekaeԑ.
22. Nensεnkyerεnee no mu bi nso ne ͻsoro ne asaase mmͻeε, ne mokasaa ne mo honam a egu sononko-sononko. Nokorε sε, nsεnkyerεnee wͻ woi mu dema nimdeԑfoͻ no.
عدل سابقا من قبل أحمد محمد لبن Ahmad.M.Lbn في الأحد 17 يوليو 2022, 11:35 pm عدل 1 مرات |
| | | | أحمد محمد لبن Ahmad.M.Lbn
مؤسس ومدير المنتدى
عدد المساهمات : 49219
العمر : 72
| | موضوع: رد: QUR’AAN 30, SUURATU RUUM الأحد 17 يوليو 2022, 5:03 pm | |
| 
29. Daabi, wͻn a wͻ‘di bͻne akyi no di wͻn apεdeε hunu akyi a nimdeε biara nni mu. Enti hwan na ͻbεkyerε obi a Nyankopͻn ayera no no kwan? Saa (nkorͻfoͻ no) nni boafoͻ.
30. Enti dane w‘ani kyerε ͻsom a εtenee no (Islam); (na fa woho ma) suban anaasε ͻsom a Nyankopͻn abͻ onipa asi soͻ no. Nsakraeε biara nni Nyankopͻn som no mu. εno ne ͻsom a εtenee na edi mmu na esi pi, nanso nnipa pii nnim.
31. Monfa moho ma no korakora wͻ adwen sakra mu, na monsuro no, na monfrε Nyame wͻ ne berε mu, na monhwε na moankͻka wͻn a wͻ‘yɛ (Nyame ho) matahoo no ho,
32. Wͻn a wͻn akyekyε wͻn som no mu na wͻ‘gu akuo-akuo, na fekuo biara anigye deε nensa aka no ho no.
33. Sε ͻhaw bi to nnipa a, wͻ‘su frε wͻn Wura Nyankopͻn, brε wͻn ho ase ma no; na sε Ɔma wͻ‘ka ahummͻborͻ bi fri Nehͻ hwε a, wobehunu sε wͻn mu bi de biribi abata wͻn Wura Nyankopͻn ho,
34. Sεdeε wͻ‘bεpo deε Yε‘de ama wͻn no. Enti modeε monye moani na εnkyεre koraa mobehunu.
35. Anaasε Y‘asiane tumii anaasε nyinasoͻ (Nwoma) bi ama wͻn a wͻ‘gyina so de kasa fa deε wͻ‘de abata Nyankopͻn ho no ho?
36. Sε Yε‘ma nnipa ka ahummͻborͻ bi hwε a, na wͻn ani agye wͻ ho; na sε bͻne bi to wͻn wͻ dwuma a wͻn nsa adi ato wͻ anim no ho nti a, wobehunu sε wͻn aba mu abuo.
37. Anaasε wͻ‘nhunuu sε Nyankopͻn ma akyɛdeɛ no bu obi a Ɔpε so, εna obi nso Osusu dema no? Nokorε sε nsεnkyerεnee wͻ woi mu dema amanfoͻ a wͻ‘gye die.
38. Enti monfa abusuafoͻ asεdeε ma wͻn, (na monfa) ahiafoͻ ne akwantufoͻ (nso asεdeε ma wͻn). Saa na εyε paa ma wͻn a wͻ‘repε Nyankopͻn hͻ animuonyam no. Saa nkorᴐfoᴐ no ne nkonimdifoͻ no.
39. Deε mode ma sε nsiho sεdeε εbεbͻ ho (ama mo) wͻ amanfoͻ sika mu no deε, enya mmͻhoo wͻ Nyankopͻn hͻ; na deε moyi no wͻ Zaka mu de hwehwε Nyankopͻn hͻ animuonyam no, woi nom na wͻ‘benya no mmͻhoo-mmͻhoo.
40. Nyankopͻn na Ɔbͻͻ mo, εna Ɔbͻ mo akͻnhoma, εna Ɔbεsan ama mo awuo, na afei W‘asan anyane mo aba nkwa mu (bio). Enti wͻn a mode wͻn bata (Nyame) ho no betumi ayε woi nom mu bi? Kronkron Hene ne no, Ɔkorͻn kyεn deε wͻ‘de bata Neho no.
41. Bͻne rekᴐso wͻ asaase so ne ͻpo so εnam deε nnipa nsa ayε nti, sεdeε Ɔbεma wͻn aka deε wͻn ayε no mu bi ahwε, sεdeε εbεyε na wͻ‘bεsan wͻn akyi (afri wͻn bͻne no ho).
42. (Nkͻmhyεni), ka sε: ―Montu kwan wͻ asaase no so na monhwε sεdeε wͻn a wͻ‘dii kan no awieε si wieε‖. Na wͻn mu dodoͻ no ara yε (nnipa) a wͻ‘de biribi bata Nyankopͻn ho.
43. Enti fa w‘ani kyerε ͻsom (Islam) a εtenee na edi mmu na esi pi no, ansa na Ɛda a efri Nyankopͻn hͻ no a (obiara) ntumi nsi ho kwan no aba. Saa Da no yεbεkyekyε wͻn mu akuo akuo.
44. Obi a ͻbeyi boniayε no, ne boniayε no da ͻno ara so, na obi a ͻbedi dwuma pa no, wͻn kraa na wͻ‘resiesie (asetena pa) ama no.
45. Sεdeε ͻbefri N‘adom mu atua wͻn a wͻ‘agye adie na wͻ‘di dwuma pa no ka. Nokorε sε Nyankopͻn mpε boniayεfoͻ no asεm.
46. Ne‘nsεnkyerεnee no nso mu bi ne sε, Ɔsoma mframa sε anigyesεm sεdeε Ɔbεma mo aka N‘ahummͻborͻ no mu bi ahwε, ne sεdeε nsuom hyεn betumi anante wͻ N‘ahyεdeε mu, ne sεdeε mo bεhwehwε N‘adom na mobeyi ayε.
47. Ampa sε, Ye‘dii kan somaa asomafoͻ dii w‘anim kan maa wͻ‘kͻͻ wͻn nkorͻfoͻ hͻ. Wͻ‘de nyinasoͻ ne nkyerεkyerεmu pefee brεε wͻn; na Ye‘tuaa wͻn a wͻ‘dii bͻne no so ka. Ԑyε Y‘asεdeԑ sε Yε‘boa agyidiefoͻ no.
48. Nyankopͻn na Ɔsoma mframa ma no kͻ kanyan mununkum na Watrε mu wͻ soro sεdeε Ɔpε, afei na W‘ayε no asinasin a εtaataa soͻ, afei wobehunu sε nsuo fri (mununkum) no mfifii reba. Sε Ɔma no tͻgu Nenkoa no mu wͻn a Ɔpε so a, wobehunu sε wͻn ani agyeε.
49. Na nsuo no nnya nntͻ mmaa wͻn no, na wͻn abamu adikan abu ansa na nsuo no retͻ.
50. Enti hwε sεdeε Nyankopͻn nsεnkyerεnee no si yε, sεdeε esi nyane asaase wͻ newuo akyi.
Nokorε sε saa ara na Obenyane awufoͻ no. Ͻno na Ͻwͻ biribiara so tumi.
51. Sε Yε‘soma mframa (a εsεe wͻn mfudeε no), na wͻ‘hunu sε (wͻn mfudeε no) aboto wͻ akyire yi (a nsupa tͻ maa wͻn mfudeε yεε fεfεεfε no a) wͻ‘yi boniayε.
52. Enti (Nkͻmhyεni), wontumi mma awufoͻ nte asεm, na wontumi nso mma asosifoͻ nnte frε no wͻ abrε a wͻ‘adane wͻn akyi ama rekͻ.
53. Wontumi nkyerε anifirafoͻ nso kwan mfri wͻn yera no mu. Nea wobetumi ama no ate ne obi a ͻgye Yεn nsεm no die na wͻ‘yε Muslim (brε wͻn ho ase ma Nyankopͻn).
54. Nyankopͻn na Ɔbͻͻ mo wͻ εberε a na moyε mmrε (tesε nkͻdaa a na monni ahoͻden), εna mo mmrε yε akyiri no Ͻmaa mo ahoͻden, εna ahoͻden no akyiri no (Ɔma mo san) yε mmrε fu dwono (bͻ nkͻkora posoposo). Ɔbͻ deε Ɔpε. Ɔne Onimdefoͻ no, Ɔne Otumfoͻ no.
55. Ɛda a Dͻnhwere no besie no, abͻneεfoͻ no bedi nse sε: Wͻ‘tenaa (wiase) bεyε sε dͻnhwere baako pε bi. Saa ara na na wͻ‘dane wͻn ho fri kwan pa no so, di atorͻ, yε nneεma a εmfata.
56. Wͻn a y‘ama wͻn nimdeε ne gyidie no nso bεka sε: ―Motenaa (nna dodoͻ) sεdeε Nyankopͻn ahyehyε, de kosii Wusͻreε da no; enti εnnε ne Wusͻreε da no, nanso modeε monnim‖.
57. Enti saa Da no deε, wͻn a wͻ‘di bͻne no kyεwpa no ho mma mfasoͻ, na yεmma wͻn kwan (sε wͻ‘bεpa kyεw) anaasε wͻ‘bεsrε bͻnefakyε.
58. Ampa sε Ya‘yε mfatoho ahodoͻ pii wͻ saa Qur‘aan yi mu ama adasamma. Nanso sε wode nsεnkyerεnee bi brε wͻn a, nokorε sε wͻn a wͻ‘yi boniayԑ no bεka sε: ‖Moyε nkontompofoͻ ―.
59. Saa ara na Nyankopͻn si wͻn a wͻ‘nnim no akoma.
60. Enti (Nkͻmhyεni), si aboterε. Nokorε sε Nyankopͻn bͻhyε no yε nokorε; na εmma wͻn a wͻn adwen nnsi wͻn pie no mmͻ wo nngu anaasε wͻ‘mmu w‘aba mu.
|
| | | | | | QUR’AAN 30, SUURATU RUUM | |
|
مواضيع مماثلة | |
|
| | صلاحيات هذا المنتدى: | لاتستطيع الرد على المواضيع في هذا المنتدى
| |
| |
| |
