لَجْنِة مِلْنَر

لَجْنِة مِلْنَر

بيرم التونسي
أَصَــلِّـي عَـلَـى الْـمَـبْـعُـوثْ نَبِينَا مُحَمَّدْ
الْـــمُـنْـتَـخَـبْ لِلْـخَـلْـقِ يُـومِ الـشَّـفَـايِـعْ
وَاصَـلِّـي عَـلَـى مَـصْـرِ السَّعِيدَة وْنِيلْهَا
عَـلَـى مـاَ جَـرَى فِـي أَرْضَهَا مِنْ وَقَايِعْ
رِكْـبِـتْ بَـنِـي زَغْـلُـولْ تِـزِيـحِ الْأَعَـادِي
خَـرَجِـتْ لَـهَـا الـزَّعَالِيكْ طَلَايِعْ طَلَايِـعْ
حَسَبُوا الْحُرُوبْ أَشْغَالْ أَلَّا يَا جَعَايْـــدَة
وِالـنَّـصْـرِ فِـيـهَـا يِـشْـتَـغَـلْ كُـلِّ صَايِـعْ
حَـاشِـتْ بَـنِـي زَغْـلُـولْ كِلَابِ الْبَـوَادِي
وِمِـيـنْ يِـحُـوشِ الْكَلْبِ وِالْكَلْبِ جَـــايِعْ
دَخَـلِ الـسَّـفِيرْ مِلْنَرْ عَلَى مَصْرِ شَـارِي
قَـالِـتْ بَـنِـي الْأَحْـرَارْ فِـي مَـصْـرِ بَايِعْ
بِـيِـحْـسِـبِ الْـمَـصْـرِي، أَمِـيـرِ الـدَّيَالِمْ
يِـصْـبَـحْ بِـحَـدِّ الـسِّـيفْ وِالرُّمْحِ طَـايِعْ
وِاتْــغَــرَّبِــتْ أَشْــرَافْـنَـا عَـنْ دِيَـارْهُـمْ
بُـهُـمْ يِـضِـيـقِ الْـمُـلْـكِ وِالْـمُـلْـكِ سَايِعْ
وِاتْــيَـتِّـمِـتْ أَطْـفَـالْ وِمِـنْ كُـلِّ عَـاقِـــرْ
أَخَـدِ النَّصِيبْ وِالْحُزْنِ فِي مَصْرِ شَايِـعْ
دَارِ الـزَّمَـانْ وِانْ دَارْ عَلَى دِي التَّخَايِنْ
خَــفَـضْ مَـوَازِيـنْـهَـا وِعَـلَّـى الـرَّفَـايِـعْ
فِـي الِانْـتِـخَابْ يَا نَاسْ بَانِتْ أُسُودْهَـــا
مِــنْ أَكَّـالِـيـنْ لَـحْـمِ الْأَنَـامِ الـضَّـبَـايِـــعْ
صَـاحِـتْ بَـنِـي زَغْـلُـولْ أَلَّا يَـا سِـعْـــدَة
رَدِّتْ لَــهَــا الْأَصْـوَاتْ عَـنْ كُـلِّ شَـايِـعْ
قَـالِـتْ بَـنِـي الْأَحْرَارْ حَنْحَارِبْ بِسِيفْنَــا
قَـالِ الْأَمِيرْ زَغْلُولْ: دِي حَرْبِ الشَّرَايِعْ
لَا يِــنْــفَــعِ الْــجَــلَّادْ وَلَا مِــنْ يِـجَـالِـدْ
وَلَا يِـفْـلَـحِ الْـمَـصْرُوعْ وَلَا مِنْ يِصَارِعْ
يَـا آكِـلِـيـنِ الْـحَـقِّ رُحْـتُـمْ فِـي نَـايْـبَـــة
وِالْــحَـقِّ دَه يِـنْـعَـادْ وِلَـوْ كَـانْ ضَـايِــعْ
------------------------------------
عن القصيدة
    طريقة النظم: زجل
    لغة القصيدة: العامية
    عصر القصيدة: الحديث