الْقَرْع السُّلْطَانِي

الْقَرْع السُّلْطَانِي
بيرم التونسي

الْـبِـنْـتِ مَـاشْـيَـةْ مِـنْ زَمَـانْ تِـتْـمَـخْطَرْ وِالْغَفْلَة زَارْعَةْ فِي الدِّيوَانْ قَرْعَ اخْضَرْ

تِـشُـوفْ حَـبِـيـبْـهَا فِي الْجَاكِتَّة الْكَاكِي وِالـسِّـتَّـة خِـيـلْ وِالْـقَـمْـشَجِي الْمَلَّاكِي

تِـــسْــمَــعْ قُــولِــتْــهَــا … يَــا وْرَاكِــي وِالْـعَـافْـيَـة هَـبْـلَـةْ وِالْـجَـدَعْ مِـتْـشَـطَّرْ

الْــوِزَّة مِــنْ قَــبْــلِ الْــفَــرَحْ مَـدْبُـوحَـةْ وِالْـعَـطْـفَـة مِـنْ قَـبْـلِ الـنِّظَامْ مَفْتُوحَةْ

وِالـدِّيـكْ بِـيِـدَّنْ وِالْـهَـانِـمْ مَـسْـطُـوحَةْ تِــقْــرَا الْــحَــوَادِثْ فِــي جَـرِيـدَةْ كَـتَّـرْ

يَــا رَاكِـبِ الْـفَـيْـتُـونْ وِقَـلْـبَـكْ حَـامِـي حَــوِّدْ عَــلَــى الْــقُـبَّـةْ وِسُـوقْ قُـدَّامِـي

تِـلْـقَـى الْـعَـرُوسَـةْ شِـبْـه مَحْمَلْ شَامِي وَابُـوهَـا يِـشْـبِـهْ فِـي الـشَّـوَارِبْ عَـنْـتَـرْ

وِحُــطِّ زَهْــرِ الْــفُــلِّ فُـوقْـهَـا وْفُـوقَـكْ وِجِـيـبْ لَـهَا شِبْشِبْ يِكُونْ عَلَى ذُوقَكْ

وَنَــزِّلِ الــنُّــونُـو الْـقَـدِيـمْ مِـنْ طُـوقَـكْ يِــنْـزِلْ فِـي طُـوعَـكْ لَا الْـوَلَـدْ يِـتْـكَـبَّـرْ

دَا يَـــامَـــا مَـــزَّعْ كُــلِّ بَــدْلَــه وْبَــدْلَــهْ وِيَــامَــا شَــمَّــعْ بِــالْــقِـطَـانْ وِالْـفَـتْـلَـةْ

وِلَــمَّــا جِــه الْأَمْـرِ الْـكَـرِيـمْ بِـالـدُّخْـلَـةْ قُـلْـنَـا اسْـكُـتُـوا خَـلُّـوا الْـبَـنَـاتْ تِـتْسَتَّرْ

نِــهَــايْــتُــه يِــمْــكِــنْ رَبِّــنَـا يْـوَفَّـقْـكُـمْ مَـا دَامْ حَـفِـيـظَـة الْـمَـاشْـطَة بِتْزَوَّقْكُمْ

دِي سُـكَّـرَةْ مَـالْـطِـي دَاهْيَةْ مَا تْفَوَّقْكُمْ بَـسِّ ابْـقَـى سِيبَكْ مِ اللِّي فَاتْ دَا مْقَدَّرْ
----------------------------------------------------
عن القصيدة
طريقة النظم: شعر مربع
لغة القصيدة: العامية
بحر القصيدة: السريع
عصر القصيدة: الحديث