54 - Al-Qamar

54 - Al-Qamar

Fulte Racmattaay, Guné Racmatta- le Yallih Migaaqal Qimbisa

(1) 1. Qhiyaama xayyowteeh, alsá faqitteeh, namma ikkel gacte.

(2) 2. Kaadu koros Nabii numma tascasse asta table waqdi iimaanat derre cabtaah, ah aggiriqee waa baaba iyyan.

(3) 3. Kaadu Nabii dirabboyseeniih, sinni kalbi fayxi kataaten, ummaan amri umaané takkay maqaané takkay le maral dabqa Qhiyaamah ayró.

(4) 4. Kaadu nummah ta korosuh keenik duma sinni farmoytit dirabboyse marat tekkeemih xaagittek sahii kee waasó edde tanim keenih temeeteh.

(5) 5. Ama keenih yemeete Qhuraanat kaxxa cikmatay dudda leeh gufti taafee edde tan.tokkel meesisso maca xiqtaa, Yallat derre cabeeh, farmoytit dirabboyse marah?

(6) 6. Toysa Nabiyow derre keenit cab, keenih qambal israafiil deqsita malaykatti seeca ayró baantat waagaleeh hagga leemih fan. (cisab booxá kinnuk).

(7) 7. Ken intiita rammit luk magooqak yawqen fixiixe qanaytih innah gacak fixix gibdah.

(8) 8. Usun sissikuk seeceynä fanah gexaanaah, koroositeh yan mari tah gibdi ayró iyya.

(9) 9. Dirabbosseh nabiyow ku meelak naharat Nabii Nuuc meela, usun dirabboyseenim ni naqsu Nuucu kaadu cabuli kaak iyyeeniih kaa sahteeniih kaa xiiriyeenih.

(10) 10.Edde luk isi Rabbi kallaceh: Nabii Nuuc, diggah anu kak yeysen num kinniyok yoo cat axcuk.

(11) 11.Edde luk dooqa kaak oggolleeh, qaran afoofi keenil fakneh maggo leey tanfxxuket.

(12) 12. Kaadu baaxó tanfuxxuke daroorih keenil qanxisneeh, qaran kee baaxó lce tongooroweh ken finqay nummah Yalli keenil mekleh yanih.

(13) 13. Kaadu kaa nukkuqeh lucwaa kee bisaamirit xakben doynikit.

(14) 14.Is ni dacayrit gexxa, toh kah abnem Nabii Nuucuh qokoluuy, koroosite marah digaalá takku.

(15) 15. Kaadu nummah Yalli xiibiteh Nabii Nuuc kee kay marih maaqentat Yallih dudda tascassee astay kas elle geyaanah tet cabneemil nuucul ciggiila marah. Tohul kassita maray qakkaloowah iyya maay yan?

(16) 16. Toysa mannak tenee yi digaalaa kee Yi meesisso koroosite marah?

(17) 17.Kaadu nummah, Qhuraan kassiisih xabbacosnehik, tohul kaskassoowaah qakkaloowa mari maay yan?

(18) 18.Qaad deqsita mari sinni Nabii Huud dirabboyseeh, wohul ken digaallehik, mannak tenee yi digaalaa kee yi meesisso?

(19) 19. Diggah, nanu keenil rubneh kaxxa caacayay kaxxa xabca Íe baytii kee umaané edde amurruqe wayta ayrót.

(20) 20. Usuk sinam laaracak hadiffi haah gomboh ken qida, usun laqiibak tewqe tamiirah (nakilih) inna luk raaqan.

(21) 21. Toysa mannak tenee yi digaalaa kee yi meesisso?

(22) 22. Kaadu nummah, Qhuraan kassiisih xabbacosnehik, tohul kaskassoowaah qakkaloowa marí maay yan?

(23) 23. Samuud dcqsita marí sinni Nabii Saalic dirabboyseeniih, wohul farmoytit inkih dirabboyse mara yekken.

(24) 24. Tokkel nek numuk teynah yan inki seehadaytu kataynaa iyyen? Diggah, nanu toysa makoo (maxqawit) kee cabut nan.

(25) 25. Nek fanaak wacyi kaal oobaa? aleey, takkem hinna usuk dirabli kaxxiina li iyyen.

(26) 26. Beera digaala keenil obta waqdi aaxige Ion addunyaa kee akeeral dirabli kaxxiina li kinni mara. (saalic kinnik ken kinnim).

(27) 27. Diggah, nanu usun esseren Alá xaxxaqak tet ayyaaqennooh keenih ruubenno mokkoroh, toysa digaala keenil obtam qambaalaay, ken adal isbir.

(28) 28.Kaadu Nabii Saalicow ku marah keenih waris diggah, lee ken kee Alá fanal kurrumtaah, mariiy ayro keenik yaaqubeeh, kulli arakil le num geytimam.

(29) 29.Tokkel Sinni kataysah seeceenih Alá qidimih, edde luk usuk alá xabbaheeh qideh.

(30) 30.Wohul anu ken digaalchik Yi digaalaa kee Yi meesisso mannak teneeh?

(31) 31.Diggah Nanu jibriil keenil rubneeh, inki adda keenit xongoleeh inkih rabeenih, edde luk usun gaso li dagiiree kee bocoy buluulunteh inna yekken.

(32) 32.Kaadu nummah, Qhuraan kassiisih xabbacosnehik, tohul kaskassoowaah qakkaloowa mari maay yan?

(33) 33.Nabii Luut mari sinni Nabii luut meesissoosa dirabboyseeniih, wohul farmoytit inkih dirabboyse mara yekken.

(34) 34.Diggah, Nanu xeet keenil rubne digaalah, Nabii Luut buxah mari (kaa kataate mara kinnuk) koh raaquh, nanu ken naggosneh woo digaalak maaci bar.

(35) 35.Ama asallam Ni xaquk yan niqmata, Tonnal galatna nee faatite mara.

(36) 36.kaadu nummah Nabii Luut Ni digaalay gibdil ken meesiiseeh, woo meesissoosat shakkiteeniih kaa dirabboyseenih.

(37) 37.Kaadu nummah Kay qibina kaa esscreenih umaanc cdde faxoonuh, edde luk intiita ken waysisneeh, Yi digaalaa kee Yi meesisso tamannak tammoysa keenik inne.

(38) 38.Kaadu nummah dabaqta digaalay salalta maaca keenil maacisse.

(39) 39.Yalli yi digaalaa kee meesisso tammoysa keenik iyye.

(40) 40.Kaadu nummah, Qhuraan kassiisih xabbacosnehik, tohul kaskassoowaah qakkaloowa mari maay yan?

(41) 41.Kaadu nummah firqawni marah ni meesissoosa temeeteh.

(42) 42.Ni astooti inkih dirabboyseeniih, maysoliiy, duddalih yanih digaalah ken digaalle.

(43) 43.Qhureyshey sin koros maay tayse, woo korosuy siinik duma sugtey finqisnek, hinnak yallih digaalak amaan (saay) maay liton ambiyal obte kitoobah addal?

(44) 44.Hinnak makki koros nanu buttay sitta geytey mayso Íe kinnino ittaa?

(45) 45.Makki korosih butta buksumeleeh bukah derre cabe le.

(46) 46.Wonna hinnay xagni keenik Qhiyaamah ayró, Kaadu Qhiyaamah ayró gibdiih, qeero le. (makeeko-le).

(47) 47.Diggah umeynit addunyal cakkik badit kee hoxat yaniiniih, akeeral habug itta girah addal yanin.

(48) 48.Girah addal ken foocitteh hirrigsimoonuwaan ayró, saqhar deqsitta girah digaalay gibdi tammoysa keenik iyyan.

(49) 49.Diggah nanu ummaanim Íe caddol mekelleh ginne.

(50) 50.Kaadu nanu tu abnam fannek ni amri kalah tu hinna, inki qangara akke waytek, woh tik iyyaanamih qangara kinni, wohim edde takke, sissikaaneh inti ramaccah innah.

(51) 51.Kaadu nummah siinik duma warrayte ummattak koroosannuh sin innah tan koros bayisneh, Toysa keenit tekke digaalat kas kassoowaah, kassita mari maay yan?

(52) 52.Kaadu ummaanimiy usun abba heeni kitoobah addal tan kutbeh. (malayka tuktubeh tan kitooba kinnuk).

(53) 53.Ummaan iimik qunxaah nabaamay tikki itta lowcal macfuuzul kutbeh tan.

(54) 54.Diggah Yallak meesita mari jannootaa kee weeqaytitteh addal yan Qhiyaamah ayró.

(55) 55.Usun nummâ madabay elle daffeyaanay şatta elle iyyaanal yanin, woh dudda leeh kaxxa reeda le Yallih xaqu kinni.