53 - An-Najm

53 - An-Najm

Fulte Racmattaay, Guné Racmatta- le Yallih Migaaqal Qimbisa

(1) 1. Yalli cutuktal xiibite korah qellita waqdi.

(2) 2. Sin kataysa (Nabii kinnuk) cakki gitak hoxeweeh awqe weemil.

(3) 3. Kaadu nafsi fayxih yaabe waamal.

(4) 4. Qhuraan kee cadiis rikeek tanim hinna, Yalli isi farmoyta Nabii Mucammadal ﷺ oobise wacyi akke waytek.

(5) 5. Gibdi cayla-li (jibriil kinnuk) Qhuraan kaa barse.

(6) 6. Usuk (jibriil kinnuk) meqe weeloo kee qande li, edde luk Yalli kaa edde gineh yan weelot massowu iyye.

(7) 7. Usuk ayró mawqa Íe kabuk fay у a iyya aracal anuk.

(8) 8. Tohuk lakal jibriil Nabii Mucammadal xayyooweeh, hangoggu (Qongoggu) kaal iyyeh nabam kaal xayyoowe.

(9) 9. Tokkel gassê namma exxah gideh kaak gacca iyye xaynah, hinnay wohuk kaat xayyooweh.

(10) 10.Edde luk Yalli isi naqasu Nabii Mucammadal wacyi oobise, woh jibriil gitak oobise wacyi kinni.

(11) 11.Nabii Mucammad sorkocobbaxi madirabboysinna kay inti tublem.

(12) 12.Ta korosey Nabii Mucammad dirabbossaanaah, kaa giddiytaanaa isi Rabbih Aayootak yablch yaniimil.

(13) 13.Nummah Yalli xiibiteh, Nabii Mucammad jibriil malaykatti weeloy Yalli kaa edde ginet anuk nammay haytoh adda kaa yubleemil.

(14) 14.Tdyâ kusray malcin haytô Qaraanal tanih garil.

(15) 15.Tet garil orbeynâ Jannat deqsita jannat yan.

(16) 16.Kusra Yallih noorik tet buultah tanim tet buulta waqdi kaa yubleh.

(17) 17.Nabii Muccammad mabla madaggaawinnaay, caddok matatrinna woo waqdi.

(18) 18.Nummah Yalli xiibiteh Nabii Mucammad israa kee miqraaj bar isi Rabbih astootik kaxxa astooti yubleemil.

(19) 19. Neh warisay ta korosey laat kee Quzza deqsita namma numtinwellu.

(20) 20. Kaadu manaatay kalah sidoc haak taqbudeeni.

(21) 21. Isin lab xaylo sinnih teexegeenih haysittaanaah, Yallah sinnih faxewaytan say xayló teexegeeniih haytaanaa?

(22) 22.Toysa toh dulmi mekla kinni.

(23) 23.Korosey tama yallittey isin taqbudeeni tu hinna, cagalah migooqay sin kee sin abbobti yallitteh muggaqsitte akke waytek, Yalli hebeltô sumaq kah moobisinna isin tet taqbudeenimih, ta koros dareemuu kee ken nafsi kicnim akke waytek kataataanam malón, nummah Yallih Nabiih arrabat ken Rabbik tirto keenih temeeteh.

(24) 24.Hinnak seehadayti faxinnaanim maay Íe? (mali)

(25) 25.Toysa Yalli le akeeraa kee addunyah amri.

(26) 26.Kaadu Qaranwal malaykak maggo malaykay shafaaqatta (cató) как tuxiqe sinni tan, Yalli idini keenih yeceek lakal akke waytek isih kah faxaah, kicna marah.

(27) 27.Digga luk akeeral aamine waa mari malayka say marih migaaqal muggaaqisa.

(28) 28.Usun iyyaanamak hcbcltoh ixxigah loonum malón, akkalaksa katayaanam malón, digga luk akkal cakkik tu maxiqaay, cakki aracat magaca inkinnah.

(29) 29.Toysa Nabiyow Ni kassitik (Qhuraanak) waaliyeh derre cabeeh addunya manok sah tu-faxewaa marat derre cab.

(30) 30.Toh keenik ixxigak gufti, diggah nabiyow ku Rabbi usuk isi gitak makkoote marat sinaamak ixxigah yaysi kinni, kaadu usuk tirri iyye marat sinaamak ixxigah aysuk raaqa.

(31) 31.Qaranwal tanim kee baaxol tanim inkih Yalli le, umam abe mara girai galatuh (digaaluh) kaadu meqem abe mara jannatal galatuh.

(32) 32.Usun kaxxa dambittee kee umaaneenak yaxxeere Mara qunxa dambitte akke waytek, diggah Nabiyow ku Rabbik dambi cabti farakka Ie kaal gace marah, usuk ixxigah sin caalootat siinik yaysi, sin abba aadam baaxok gine waqdi, kaadu isin sin inaanih bagut qellitak sugten waqdi, toysa sinni nafsi ma saytunnoysina tet faylissaanamal, usuk ixxigah yaysi kinni isi naqoosak isik meesita marat.

(33) 33.Tokkel Yoh warisey Nabiyow iimaan kee Yallih taaqatat derre cabe num?

(34) 34.Kaadu isi maaluk dagom baxa yeceeh, tohuk lakal cillaaleh mattaccoo yeyseede num.

(35) 35.Qellitteemih ixxiga kay xaqul maay tan usuk intih abaluk, kay gabat tanim tamurruqu waytaamah, edde luk usuk woh intih maay yable? (mayabla).

(36) 36.Hinnak Nabii Muusal oobe tawraat kitaabal tanim kaah mawarsinnoonuu?

(37) 37.Kaadu Nabii Ibraahimiy Yalli kaa elle amrisem duuduseeh gudduyseh kitoobah addal tanim kaah mawarsinnoonuu?

(38) 38.Dambi Íe nafsi aka nafsih dambi mayakkuqaay kaa kah makataataana.

(39) 39.Kaadu seehadayti taamiteemik kalihim aalle waam galtok.

(40) 40.Kaadu diggah, kay taama sarrah ambulluyele akeeral.

(41) 41.Tohuk lakal usuk galtimele dudda Íe galtoh abba hee taamal.

(42) 42.Kaadu diggah, Nabiyow ginô gacim ku Rabbit yaadee Qhiyaamah ayro.

(43) 43.Kaadu diggah, Yalli usuk isih faxa mara yaysuulech isih faxa mara weeqisah.

(44) 44.Kaadu diggah, Yalli usuk Qidaah yaynuwweeh.

(45) 45.Kaadu diggah, Yalli usuk kulliimik namma Qaynat gine labim kee sayiimih anuk.

(46) 46.Daacoyti tiffa, maxaxat caxitta waqdi.

(47) 47.Kaadu diggah, aka ginoh ken ginaah ken gacsam Yallal tan rabeeniik lakal Qhiyaamah ayró.

(48) 48.Kaadu diggah, Yalli usuk isih faxa mara maalut gaddalisaah, ken edde leedisah.

(49) 49.Kaadu diggah, Yalli usuk shiqra deqsita cutuktih Rabbi, (woh qarabak marak teyni aqbudak suge cutukta)

(50) 50.Kaadu diggah, Yalli usuk bayseh naharsi Qaad (usun Nabii Huud mcela kinnuk).

(51) 51.Kaadu Yalli Nabii Saalic maray Samuud deqsita bayseeh num keenik macabinna.

(52) 52.Kaadu Yalli Nabii Nuuc mara Qaad kee Samuuduk naharat finqise, diggah usun dulmii kee caddok taturuh lafit luk sugen keenik lakal ycmeete marak.

(53) 53.Kaadu Yalli Nabii Luut marih magaalooli Nabii Luut maral deerik afah korse.

(54) 54.Edde luk tet buultem tet buulteh xeet digaalak. (woh Qaraanak keenil oobe xeeti kinnuk).

(55) 55.Toysa seehadaytow anni niqmatitteey, isi Rabbik edde agay waa gittam. (geyyi wayittam).

(56) 56.A meesiise usuk Nabii Mucammaday kaak naharsi ambiyay sinni niara meesiisak temeetek numuk teyna kinni.

(57) 57.Qhiyaamay xayyoowa deqsitta xayyowteh.

(58) 58.Too waqdi Yallak sa is edde tamaate wakti taaxigem matanaay tet gutuqtam matan.

(59) 59.Ta korosey Qajjibsittaanam (cakkumsuttaanam) ta Qhuraanaa?

(60) 60. Kaadu anqasah kaal tasuuleeniih, usuk sin akak meesiisaamih conxoh maweqtaanaa?

(61) 61. Isin deedalat gabxitak kaat derre cabtan.

(62) 62. Toysa Yallah kummaataay, qibaada dubuk kaah caglisa.