71 - Nooh
Maqaa Rabbii Akkaan Mararfataa Akkaan Rahmata Godhaa Ta’eetiin
(1) Nuti "odoo adabbiin laalessaan isaanitti hin dhufin dura ummata kee sodaachisi" jechuun Nuuhiin gara ummata isaatti ergineerra
(2) (Nuuhis) ni jedhe: "yaa ummata kiyya! Ani isiniif akeekkachiisaa ifa bahaadha.
(3) Rabbiin gabbaraa; Isa sodaadhaa; anaafis ajajamaa" jechuun.
(4) "Dilii keessan irraa isiniif araarama; hanga yeroo murtaa'eettis isin tursiisaBeellamni Rabbii yeroo dhufe booda hin aanfamuOdoo kan beektan taatanii (silaa isa malee hin gabbartanu).
(5) (Nuuhiin) ni jedhe: "Gooftaa kiyya! Ani ummata kiyya halkaniifi guyyaan waame.
(6) Waamichi kiyya (dhugaa irraa) baqa malee homaa isaaniif hin daballe.
(7) Akka Ati isaaniif araaramtuuf dhawaata ani isaan waamuun qubbeen isaanii gurra isaanii keessa kaa’anii uffata isaanii haguuggatanii (badii) itti fufan; booniinsa boonan.
(8) Ergasii lallabeen isaan waame.
(9) Achi boodas ani ifan isaaniif godhe; hasaasuus isaanittin hasaase.
(10) ‘Gooftaa keessan araarama kadhaa; dhugumatti Inni Akkaan Araaramaadhan’ jedhe.
(11) Rooba baay'ee deddeebi'aa isin irratti erga.
(12) Qabeenyaafi ilmaanis isiniif dabalaAshaakiltii isiniif godheeti laggeenis isiniif taasisa.
(13) Maaltu isiniif jiraayi guddina Rabbii hin sodaanne?
(14) Dhugumatti, sadarkaa sadarkaadhaan isin uumeera.
(15) Sila akka Rabbiin samii torban wal jalaa gubbaatti uume hin arginee?
(16) Isaan keessattis ji'a ibsaa taasisee; aduus madda ifaafi ho'aa (siraaja) taasise.
(17) Rabbiinis biqilchuu (uumuu) dachii irraa isin biqilche.
(18) Ergasii ishee keessatti isin deebiseeti, baasuus isin baasa.
(19) Rabbiinis dachii afata isiniif godhe.
(20) Akka isin ishee irraa karaalee babal'aa seentaniif.
(21) Nuuhiin ni jedhe: "Gooftaa kiyya! Isaan ajaja kiyya didanii, nama qabeenyi isaatiifi ilmaan isaa hoonga’iinsa malee homaa isaaf hin daballe hordofan.
(22) Tooftaa gurguddaa baasan
(23) ‘Gabbaramtoota keessaniis hin dhiisinaa; waddi, suwaa'i, yaghuus, ya'uuqiifi nasriinis hin dhiisinaa' (waliin) jedhan.
(24) Dhugumatti, (namoota) baay'ee jallisaniiruMiidhaa raawwattootaaf jallinna malee hin dabalin.”
(25) Diliiwwan isaanii irraa kan ka'e, bishaaniin nyaachifamanii ibidda seensifamanRabbiin alatti tumsitoota isaaniif hin arganne.
(26) Nuuhiin ni jedhe: "Gooftaa kiyya! Kaafiroota irraa nama tokkollee dachii irratti hin dhiisin.
(27) Yoo Ati isaan hambifte gabroota Kee jallisu; dilaawoo akkaan kaafira ta'e malees hin dhalan (hin horan).
(28) Gooftaa kiyya! Anaaf, abbaafi haadha kiyyaaf, nama mu’umina ta'ee mana kiyya seeneef, mu'uminootaafi mu'umintittiifis araaramiKaafirootaafis badii malee hin dabalin.”