سورة عبس
QUR’AAN 80, SUURATU ABASA
(ME HYJ ASEJ WC) ONYANKOPͻN DIN MU, AHUMMͻBORͻ HENE, ƆDΕΕFOͻ HENE
1. (Nkͻmhyεni) anim sesaae, na ͻdanee ne ho.
2. Efirisε onifirani no baa ne hͻ,
3. Na εdeεn na εbεkyerε wo sε ebia (saa onifirani no) bεyε kronkron,
4. Anaasε ͻde afutuo no bεto n‘adwene mu ama afutuo no ho aba no mfasoͻ?
5. Obi a ͻhwε ne ho sε ͻsom bo no,
6. Ɔno mmom na wotie no.
7. Sε wannyε kronkron a, εho asεm nna wo so.
8. Obi a wabͻ mmͻden aba wo hͻ,
9. Na osuro (Nyankopͻn no)
10. Ɔno mmom na w‘ayi w‘adwen afri ne soͻ.
11. Daabi, εyε Afutusεm,
12. Enti obi a ͻpε no, ͻmfa ntu (ne ho) fo.
13. Ɛwͻ Animuonyam Nwoma (a εwͻ Nyankopͻn hͻ) no mu.
14. (Nwoma a) εkorͻn wͻ Animuonyam ne kronkron yε mu,
15. Wͻ (Soro abͻfoͻ) Atwerεfoͻ nsam,
16. (Atwerεfoͻ) Animuonyamfoͻ apapafoͻ no.
17. Due nka onipa. Sεdeε neboniayε siteε
18. Ͻbͻͻ no fri adeε bεn mu?
19. Ɔbͻͻ no fri ahobae mu, εna Osiesiee no,
20. Afei Ɔyɛε ne kwan so dwoodwoo maa no.
21. Afei na W‘asan ama no awu na W‘asie no wͻ adakamena mu.
22. Nasε Ɔpε nso a na W‘anyane no (afri owuo mu).
23. Daabi, nanso (onipa) nyε deε (Nyankopͻn) ahyε ( no sε ͻnyε).
24. Enti onipa nhwε n‘aduane (ahyε ase),
25.Yehwie nsuo no ma ebuso paa,
26. Afei na Y‘ama asaase no apaepae paa,
27. Na Y‘ama nnuaba afifi wͻ so,
28. Ne bobe ne wira ne mfudeε ahodoͻ,
29. Ne nku dua ne akyiresua dua;
30. Ne Turo a yagye ho a nnua ateten ahyε mma,
31. Ne nnuaba ne wira a mmoa weε.
32. Ԑyԑ akᴐnhoma mamo ne monnyεmoa.
33. Nasε nteamu denden no ba a,
34. Saa Da no onipa bedwane ne nua,
35. Ne ͻmaame ne nepapa,
36. Ne neyere ne ne mma.
37. Saa Da no, wͻn mu nipa biara ani bεbere wͻ asεm a εfa ͻno ara ne ho a, obi deε mmfa ne ho ho.
38. Saa Da no, ebinom anim bεhyerεn,
39. Asere wͻ anigyeε mu,
40. Saa Da no, ebinom nso anim bεyε mfuturo,
41. Esum bεkata wͻn so, na animguaseε bεka wͻn,
42. Saa nkorͻfoͻ no ne (Kaafirfoͻ) boniayεfoͻ nnipa bͻnefoͻ no.