سورةُ المنافقون
QUR’AAN 63, SUURATUL MUNAAFIQUUN
(ME HYJ ASEJ WC) ONYANKOPͻN DIN MU, AHUMMͻBORͻ HENE, ƆDΕΕFOͻ HENE
1. Sε nkͻnkͻnsafoͻ no ba wo hͻ a, asεm a wͻ‘ka ne sε: ―Yedi adanseε sε ampa woyε Nyankopͻn Somafoͻ‖. Nyankopͻn Nim yie sε woyε Nesomafoͻ. Nyankopͻn di ho adanseε sε nokorε, nkͻnkͻnsafoͻ no yε atorofoͻ.
2. Wͻ‘de wͻn nsedie no ayε kyεm, enti wͻ‘si (amamfoͻ) kwan fri Nyankopͻn kwan no so.
Nokorε sε, ade bͻne paa na wͻ‘reyε no.
3. Efrisε, wͻ‘gye dii εna wͻ‘san poo nokorε no; yasi wͻn akoma ano enti wͻ‘nnte (asεm) ase.
4. (Nkͻmhyεni), sε wohu wͻn a w‘ani gye wͻn nnipa dua no ho; sε wͻ‘kasa nso a wotie wͻn asεm. Wͻ‘te sε dunsini bi a yahyε no atadeε. Wͻn adwen yε wͻn sε nteamu biara tia wͻn. Wͻ‘ne atamfoͻ no, enti yε ahwεyie wͻ wͻn ho. Nyankopͻn nnomee nka wͻn. Sεdeε wͻ‘si dane wͻn ho (fri nokorε no ho no).
5. Sε yεka kyerε wͻn sε: Momra na Nyankopͻn Somafoͻ no bεsrε bͻnefakyε ama mo a, wͻ‘woso wͻn ti, na wobehunu sε wͻ‘resi (afoforͻ) nso kwan, na wͻ‘reyε ahomasoͻ.
6. Ԑyε asεm korͻ ma wᴐn, wosrε bͻnefakyε ma wͻn o, anaasε w‘ansrε bͻnefakyε amma wͻn o, Nyankopͻn mfa wͻn bͻne nkyε wͻn. Nokorε sε Nyankopͻn nkyerε amanfoͻ abͻneεfoͻ no kwan.
7. Wͻn na wͻ‘ka sε: ―Monhwε na moanyi mo sika wͻ wͻn a wͻ‘ka Nyankopͻn Somafoͻ no ho no ho kͻpem sε wͻn ho bεkyere wͻn‘‘. Aberε nso a Nyankopͻn na ͻsoro ne asaase so akoradeε wͻ no. Nanso nkͻnkͻnsafoͻ no nni nteaseε..
8. Deε wͻ‘ka ne sε: ‖Sε yεsan kͻ Madina a, atumfoͻ no betu mpapahwekwafoͻ no afri (kuro no) mu hͻ‖. Tumi no deε Nyankopͻn ne Nesomafoͻ ne agyidiefoͻ no na εwͻ wͻn, nanso nkͻnkͻnsafoͻ no nnim.
9. Mo a moagye adie, monhwԑ na moamma moagyapadeε ne momma annsi mo Nyankopͻn nkaekaeε ho kwan; na obia ͻbεyε saa no, saa nkorͻfoͻ no ne berεguofoͻ no.
10. Monyi deε Yε‘de akyε mo no mu bi ma (wͻ Nyame kwan so) ansa na owuo aba mo mu bi so na w‘ankͻka sε: ―Me Wura Nyankopͻn, sε Wotwεn maa me berε kakra a, anka mεyε adͻeε na maka apapafoͻ no ho.
11. Sε ͻkra bi berε so a, Nyankopͻn mmͻ nnto hͻ. Nyankopͻn ne dwuma a modie no ho amanebͻ Wura.