56 - Al-Waaqia

56 - Al-Waaqia

Fulte Racmattaay, Guné Racmatta- le Yallih Migaaqal Qimbisa

(1) 1. Qhiyaama soita waqdi.

(2) 2. Woo ayró tet ugut dirabboysa nafsi mayan.

(3) 3. Is Yallih qaduwwi girá culaamal ramma haytaah, Yallih kacnoytit jannat culaamal fayya hayta.

(4) 4. Baaxó rukkuumiyyah, rukkumta waqdi angoyyi gibdah.

(5) 5. Kaadu Qaaleela buluulumiyyah, bululsumta waqdi,

(6) 6. Edde bullaaqey hawal fixiixisinte takke.

(7) 7. Kaadu a ginoy sidiica gexoh tanin akeeral.

(8) 8. Edde luk migdi mara, migdi mari ma maraay ? usun akeeral meqe arac le mara.

(9) 9. Kaadu guri mara, guri mari ma maraay? Usun akeeral uma arac le mara.

(10) 10. Addunyal maqaane yaakume mari, usun akeeral niqmat yaakume mara kinnon.

(11) 11. Woo mari, Yalli isil xayyoyseh yan mara kinnon.

(12) 12. Usun naqiim deqsitta jannootah addal yanin.

(13) 13. Nabii Mucammad ummatak naharsi maraa kee keenik naharal warrayte ummatittek maggo mari tet cula.

(14) 14.Kaadu Nabii Mucammad ummatak ellecabó marak dagom tet culta.

(15) 15. Dahabat haxxisen (bilisen) qaraakiyih amol yanin.

(16) 16.Usun cusuulah anuk sitta fan afkanuk tet amol yanin.

(17) 17.Idoolitewaah, rabewaa urruy waara keenit meekita keenih taamitoonuh (ken kidmatah).

(18) 18. Kobboyyaayii kee, ibriikaay, kaaquunuy gocoy darak kibuk yani luk.

(19) 19. Kay maqubut amó keenik ma berrissaay, kas keenik edde ma gexa.

(20) 20.Kaadu waara urri keenit meekisa caxâ mixuk faxaanam dooritan.

(21) 21.Kaadu haadâ cadok faxxa haanam Ion.

(22) 22.Kaadu curral qayni deqsita agabuy,

(23) 23.Taagisen luulih inna Íe Ion.

(24) 24.Amah usun addunyal abak sugen meqe taamah galto kinni.

(25) 25.Jannat addal uma yab kee dambi edde yanim ma yaabban,

(26) 26.Mariiy marah keenik aba salaamaqleh maxco akke waytek.

(27) 27. Kaadu migdi mara, migdi mari ma maraay? usun kaxxa arac кее кахха galto le mara akeeral.

(28) 28. Usun keenaani sinni kusuurul yanin.

(29) 29. Kaadu muuz cooxuy xaylo как exefih tani Ion.

(30) 30. Kaadu kate wayta iraawol yanin.

(31) 31. Kaadu qulluntaah, gexxa leey, aggiriqqe wayta Ion.

(32) 32. Kaadu maggo caxä mixuy ambaxewaay,

(33) 33. Aggiriqqe sinniih, waaso sinni Ion.

(34) 34. Kaadu fidooday fayya le Ion qaraakiy bagul.

(35) 35. Diggah nanu tayse ginoh ken (jannatti agabu kinnuk) ginne.

(36) 36. Edde luk bikir leela ken abne.

(37) 37. Usun sinni baqolti kicna agabuy fooduh (waday kinnuk) yani ken abne.

(38) 38. Ama agabu migdi marah ginne.

(39) 39. Ama niqmoota lern naharsi marak butta,

(40) 40. Kaadu ellecabö marak (migdi mara kinnuk) butta.

(41) 41. Kaadu guri mara , guri mari ma maraay?usun galtoo kee caalat как uma mara akeeral.

(42) 42. Niqin huuriy jahannam girak yanii kee kaxxa niqna Íe leeh addat yanin.

(43) 43. Kaadu diyyit inna Íe qiirih (qeerih) iraawoy (silaaloy),

(44) 44. Xabca sinniih, mabla как amqe waytah addat yanin.

(45) 45. Woh ken kah geytem diggah, usun wohuk duma addunyal Yallih niqmatat batrite marah sugen.

(46) 46. Kaadu kaxxa dambih (koroosannu kinnuk) bagul sugen yatoobeenim niyaate kalah.

(47) 47. Kaadu rabneeh, burta nekkeeh, lafoofiy ruma tekke nakke waqdi, diggah nanu ugtennoo? axcuk sugen rabi lakal ugut yaniimih angaddiyyah.

(48) 48. Hinnak nee kee nek naharsi abbobti ugutennoo rabneeh, burta nekkeek geeral?

(49) 49. Nabiyow Keenik ixxic :diggah naharsi maraay, ellecabô mari Aadam xaylok,

(50) 50. Kobxisime le timixxige ayroh (Qhiyaamah ayró kinnuk) uddurul.

(51) 51. Wohuk lakal isin diggaluk ahoxa leelah dirab leelay,

(52) 52. Nummaak akmetton cooxuk zaqhqhuum deqsitta caxak.

(53) 53. Edde luk teetik bagitte kibetton qulul gibdah.

(54) 54. Edde luk tet bagul niqna как caddok taturte leey bakar kaleway ta aaqubetton.

(55) 55. Tokkel isin bakar gibdah maggom tet aaqubetton, kaxxam bakaarch yan ga alay bakar kak kate waah maaqabah.

(56) 56. Ama digaalay ken geyte ken qibnaytiinó kinni, galtoh ayró (Qhiyaamah ayró kinnuk).

(57) 57. Seehaday suge waytik nanu sin ginnck Qhiyaamah ayróh madaara manummassaanaa?

(58) 58. Yoh warisay sin agabih maxaxat caxxan daacoyta.

(59) 59. Siini innaa seehadaytuh kaa gintam, hinnak neey kaa gintam?

(60) 60. Nanu sin fanal raba mekelleeh, nanu yaffare mara hinnino,

(61) 61. sin weeloola korisnaah, aaxige waytan ginoh sin ginnam Qhiyaamah ayró.

(62) 62. Nummah Yalli suge waytik naharsi ginoh sin ginem teexegeenih. Edde luk Yalli isi duddal nammey haytoh adda sin gacisuwaam makassittaanaa akorosey.

(63) 63. Yoh warisay tabqureenih taniinimik dariyyuy baaxol qiddaana.

(64) 64. Isin kaa taysubukeeni innaa, hinnak neey kaa taysubukem baaxok?

(65) 65. Fanne nee tekkek а yooboke darqi ruma kaa abak neneeh, sin darqi obtem qajjibsita mara akkuk tenen.

(66) 66.Diggah nanu kasaaritneh!

(67) 67.Tonna hinnay nanu rizqhik baxaysinneh axcuk tenen.

(68) 68.Yoh warisay a leey taaqubeenih iyya.

(69) 69.Isin tet oobisseeni innaa qamburrek baaxol, hinnay neey tet oobissem?

(70) 70.Fanne nee tekkek Qasboh carakak tan lee tet abak nenek, Yalla mafaatittaanaa Coboyuk siinih oobiseemil?

(71) 71.Yoh warisay a giray damaluk qiddaanah iyya?

(72) 72.Tet caxá, isin ginteeni innaa hinnak neey tet gintem?

(73) 73.Nanu jahannam girah kassis kee guurô marih tuxxiq tet (addunya gira kinnuk) abne.

(74) 74.Toysa Nabiyow ku Rabbiy nabay dudda leh migooqaa kee weeloola saytunnos.

(75) 75.Yalli xiibiteh cutuuka kak korta aroocal ayrô kormak.

(76) 76.Ama cutuuka kak korta aroocal abna xiiba, aaxaginnitoonuy is naba xiiba kinni kas Íe marah.

(77) 77.Diggah, ta Qhuraan Nabii Mucammadal ﷺ oobisne, Qhuraanay nabay maqaane maggo kinni.

(78) 78.Usuk daccarsime kitaabih addal yan Yallih garil (lowcal macfuuz kinnuk).

(79) 79. Qhuraan gabah xagtam matan Yalli satunnoyse malayka akke waytek, hinnay Yallat agleyta haanam kee janaabaa kee wadô sinnak saytunnoowe mara akke waytek.

(80) 80. A Qhuraanak oobiyyi ginô Rabbi Íe kabuk yekke.

(81) 81. A korosey A Qhuraanaa isin dirabbossaanam?

(82) 82. Kaadu Yalli siinih yeceeh yan rizqhih (quusih) faatitiyyaa diggaluk isin dirabbossaanaah tangaddeenim?

(83) 83. Siinik numuk teyni rooci garoyra yaafe waqdi gacissaanam maay duddan kay xagarah?

(84) 84. Isin woo waqdi kay fan wagitak.

(85) 85. Nanu siinik kaal xayuk raqna able waytaanakkal.

(86) 86. Tokkel isin abtan taamal cisab как abe waanaah wohul galtime waa mara tekkeenik.

(87) 87. Isin nummat yaaba mara tekkeenik Rooci xagarah gacissaanam maay duddan (woh ma-duddan).

(88) 88. A rabe num Yallal xayyoysime marih num yekkek,

(89) 89. Toysa farakka Íe racmataay, ruffu edde iyyam kee naqiim deqsita jannat Íe akeeral.

(90) 90. Rabe num migdi marih num yekkek,

(91) 91. Migdi marih num tekkeemih nagaynan lito Kaak iyyaanah.

(92) 92. Kaadu a-rabe num dirab leelah hoxa leelah num yekkek,

(93) 93. Toysa qibnaytiinoh niqna как caddok taturte lee Íe.

(94) 94. Kaadu jaciim deqsitta girâ culim Íe galtoh tet digaala tammoysak.

(95) 95. Diggah Nabiyow ama kol gabbaqne yab, nummay asmat Íe kinniih agay waaga mali.

(96) 96. Toysa Nabiyow ku Rabbiy nabay dudda leh migooqaa kee weeloola saytunnos.