| | | 36 - Yaseen |  |
| | | كاتب الموضوع | رسالة |
|---|
أحمد محمد لبن Ahmad.M.Lbn
مؤسس ومدير المنتدى
عدد المساهمات : 49101
العمر : 72
| | موضوع: 36 - Yaseen السبت 08 أكتوبر 2022, 9:09 pm | |
|
36 - Yaseen
Fulte Racmattaay, Guné Racmatta- le Yallih Migaaqal Qimbisa
(1) 1. Yaa-siin, (edde faxem Yalli yaaxige).
(2) 2. Yalli maxcoocá как diggale Qhuraanal xiibita.
(3) 3. Diggah nabiyow atu farmoytiitik numuk teyna kinnitoomul.
(4) 4. Massa-le gitih bagul anuk (Islaam diini kinnuk).
(5) 5. A Qhuraan maysoleeh, nacrur-le Rabbih kabuk oobe.
(6) 6. Nabiyow a-Qhuraan kol kah oobisnem abbobti как meesiisime wayte mara edde meesissuh, usun iimaanak garcit yanin.
(7) 7. Nummah ama-korosuk maggo maral digaalá dabaqteh, usun aamine waanamih sabbatah.
(8) 8. Diggah nanu ken gaboobi ken fillittet nexeeh tet debeenat keenik neyseede, tohih sabbatah moyyaayi kareeril loonuuh, addah haanam maduudan.
(9) 9. Kaadu foocal alifuh reebu keenik hayneeh, derrel alifuh reebu keenik hayne. Tokkel intiita keenik alifneh, tohih sabbatah usun cakkik-tu mayablan.
(10) 10. Kaadu keenil inki gide nabiyow atu ken meesissam kee hinnay ken meesiise waytam, usun ma- yaaminan.
(11) 11. Cagalah ku-meesisso tu-kah xiqtam Qhuraan kataateeh, qellut Yallak meesite numu, toysa kaa ayti-kumus dambi cabtii kee kaxxa galtól (jannat kinnuk).
(12) 12. Diggah nanu rabtem inkih naynuwweeh, addunyal maqaanék umaanék uysukummu heenim kee ken raatitte naktubeh, kaadu ummaanim baxxaqqa-le kitaabal (lowcal macfuuz kinnuk) lowsisne (ixxisne).
(13) 13. Nabiyow isi marah magaalâ marih ceelallo ugur (waris) farmoytit keenih temeete waqdi.
(14) 14. Namma farmoyta keenih rubne waqdii, ken nammay dirabboyseenih, kaadu sidoccaytut ken maqarrosneeh, diggah nanu sin fan rubsumte farmoytit kinnino keen i k iyyen.
(15) 15. Magaalâ mari woo farmoytiitik iyyeh; “isin tu-hinniton ninnah tan seehada kinnitoonum akke wayteenik, kaadu Yalli wacyik-tu moobisinna, isin ixxicci ittaanam manton dirab taceenim akke waytek”.
(16) 16. Farmoytit keenik itteh; “diggah nanu sin fanah rubsumte farmoytit kinninom diggah Ni-Rabbi yaaxigeh”.
(17) 17. Kaadu nel tanim matan baxxaqqa- le gudduysiyya akke waytek iyyen.
(18) 18. Magaalâ mari keenik iyyeh; diggah nee geyte umaané siinik malkinna, usun xiibitak tamahak aadee wayteenik xeet siinit heennooh, qansarissa digaalá nek sin xagclc iyyen.
(19) 19. Farmoytit keenik itteh; sin geyte umaanéh malkit siinik yan, sinni Rabbil koroositteenimih sabbatah, kayri siinik eddc yanim sin kassisnek, umaané nek malkittaanaah digaalál nee meesissaanaa? Aleey, wonna hinnay isin umaanét caddok tatura mara.
(20) 20. Magaalák exxak xerrikek yarde num yemeete, yi-maraw farmoytit kataya keenik iyye,
(21) 21. Farmô gudduysiyyal galtó sin esserewaa mara kataya usun tirtô bagul anuk,
(22) 22. Kaadu anu yoo gine Rabbi kah aqbudewaam macaliyoo? Isin kaadu kaâ fanah aduurê ton rabteeniik lakal,
(23) 23. Yallak kalah yallitte haysitoo? Yalli umaané yoh faxe kaa tekkek, ken cató tu-yoh maxiqtaay, Yallih digaalák yoo ma-wadaanak,
(24) 24. Diggah anu toysa baxxaqqa-le makoh addat ayyo,
(25) 25. Diggah anu sin Rabbil eemenehik yoo oobbiya keenik iyye,
|
| | | | أحمد محمد لبن Ahmad.M.Lbn
مؤسس ومدير المنتدى
عدد المساهمات : 49101
العمر : 72
| | موضوع: رد: 36 - Yaseen السبت 08 أكتوبر 2022, 9:09 pm | |
|
(26) 26. Too waqdi kaa qideeniih, Yalli jannat cul kaak iyye, maganey yi- mari aaxaginnay!
(27) 27. Yi-Rabbi dambi yoh cabeeh, yessekexxime marih num yoo abem axcuk.
(28) 28. Ken fayuh (catoh) yemeete num qideeniik lakal, kay maral qaraanak qande moobisinninooy, ahak dumal bayissi haync marah malayka numtin baysalı oobise mara makkinnino.
(29) 29. Ken baati makkinna Jibriil inki xongolót tekkeh akke waytek, usun too waqdi inkih Rabte baruuga yekken.
(30) 30. Naqoosa geyta nadaamaay! qhiyaamah ayró digaalá yablen waqdi, Toh ken kah geytam, hebcltô farmoytay keenih yamaate mayan, kaal anqasak sugeenim akke waytek.
(31) 31. A-koros matablaa! Keenik naharat makina hora bayisnem horaarik? Diggah usun ken fan addunyah aduure waanam mayablaanaa.
(32) 32. Kaadu hebeltó ginó matan qhiyaamah ayró inkih Ni- garil gaaboysimaanaah xayyoysimaanam akke waytek cisaabah.
(33) 33. Qhiyaamah ayró ugtoonu waanamih astá Ion rabte baaxó naynuwweeh, ambo teetik nayyaaqeeh, woo ambók yakmeenimit.
(34) 34. Kaadu tet (baaxó kinnuk) addal nakilaa kee qinabak yan basaatin hayneeh, daroorik-tu tet addal nuyfuxxuke (weeqisne).
(35) 35. Woh inkih kah abnem kay (basaatin kinnuk) mexexuk yakmeenî gidi. Kaadu amah ken gaboobi abtem hinna Yalli isi racmattah keenih abeemikkal, aniqmatal Yalla mafaatitaanaa?
(36) 36. Ummaanimik qaynatitte gine Rabbi Saytunnooweh, baaxó uysubukku haytaamaay ken nafsik (labim kee sayim kinnuk) kaadu usun aaxige waanamak qaynatitte gine Rabbi Saytunnooweh.
(37) 37. Kaadu laqó как siibna bar astáh loonuuh, usun too waqdi ditet culan, toh Yallih dudda kinni.
(38) 38. Kaadu Yallih dudda tascasse astá Ion, ayróy leh tan madabah gexxal, toh mayso-li, ixxigalih yan Yallih caggudusiyya kinni.
(39) 39. Kaadu astá Ion mafdagoogi kah caggudusne alsâl, tamiirâ (nakli) foynay ragteeh makkotteh innah gacca ittam fanah.
(40) 40. Ayróh matakka alsá eleltam, kaadu barah matakka laqók yaakumem, ummaan tiya keenik isi maroh addal giirissa.
(41) 41. Kaadu Yallih dudda tascasse astá Ion, diggah nanu ken samad kibuk tan doynikit nukkuqeemil (Nabii Nuuc doynik kinnuk).
(42) 42. Kaadu Nabii Nuuc doynikih innah yan dawaanikiy edde feeraana keenih ginne.
(43) 43. Kaadu fannek ken xuumusak (sutusak) nen, tokkel usun cateyna maloonuuy, usun mawaddiiman woo xuumiyyak (sutusiyyak).
(44) 44. Ken cattam matan Nanu keenih abne racmattaa kee yimixxige waktî (uddurih) fan keenit abne hatkisiyya akke waytek Nel yaduureem gidih.
(45) 45. Ama koros addunyâ digaaláa kee akeerâ digaalák meesita Yallak nacror geytaanam keh keenik iyyan waqdi, usun too waqdi derre edde cabaanaah, kaxxa-mariinitaanah.
(46) 46. Kaadu ken Rabbih astootik hebeltoh astáy keenih tamaate matan derre teetit cabak sugeenim akke waytek.
(47) 47. Kaadu korosuk Yalli siinih yeceemik-tu acuwa keenik iyyan waqdi, koroosite mari yeemene marak iyyah; Yalli faxinnay askamuk yen mara naskamoo? Yeemene maraw isin massat yan mara hinniton baxxaqqa-le hoxih addat taniinih akke waytek.
(48) 48. A-xagni mawaqdiiy isin numma yacee mara tekkeenik itta koros.
(49) 49. Israafiil baantah inki xongolok-sa qambaalaanam malón, is garcik ken tabbixe usun sinni caagiidat keemaaritak.
(50) 50. Tokkel usun sitta farriimaanam maduudaanaay, sinni maraa kee buxaaxî fanah ma-gacan.
|
| | | | أحمد محمد لبن Ahmad.M.Lbn
مؤسس ومدير المنتدى
عدد المساهمات : 49101
العمر : 72
| | موضوع: رد: 36 - Yaseen السبت 08 أكتوبر 2022, 9:10 pm | |
|
(51) 51. Nammay haytô baantá fuxsumtaah, cddc luk usun too waqdi magooqak sinni Rabbi fan sissikuk yawqen.
(52) 52. Koros nadaamitak, nee gee finqaaw! ni-magooqak (kubuuruk) nee teyyeeqem miyyaay itte? Keenil gacisak ah Yalli sinam edde xagniseemiy, farmoytit nummâ xaagu как tecee kinni keenik iyyan.
(53) 53. Israafiil baantah inki xongolók-sa ken ugut magooqak edde yekkem mali, eddeluk usun inkih Ni-garil gaaboysimaanaah xayyoysiman cisab kee galtóh.
(54) 54. Woo ayró (qhiyaamah ayró kinnuk) nafsi tul ma-yandulluma. Kaadu addunyal abak sugteenimik-sa elle galtimtaanam manton keenik iyyan.
(55) 55. Diggah woo ayró Jannatti mari ruffu edde iyyan niqmatat agxitan.
(56) 56. Ken kee ken agabi iraawoowal yanin qaraakiy (kaqaadid) amol cusuulah anuk.
(57) 57. Usun Jannat addal maggo qaynatah yan caxâ mixu loonuuh, faxaanaah esseraanam elle Ion niqmootak.
(58) 58. Xuwaw-le Rabbik nagaynan maxcó-lon.
(59) 59. Woo ayró a-umcyniitow moominiinik baxsima iyyan korosuk.
(60) 60.Yalli ken sahitak keenik iyyah ; Aadam xayloy Yi-farmoytiitih arrabal sheetan aqbude waytaanaah kaa kataate waytaanamal sin ma- farriimiyyoo, diggah usuk siinik baxxaqqa-le naqboytak.
(61) 61.Kaadu sin ma-amrisinniyoo dibuk Yoo uqbuda iyyaanamah, ah massa-le gita. (Islaam diini kinnuk)
(62) 62. Nummah sheetanti maggo mara siinik cakkik makehik kas- kassoowa mara matakkaanaa a-korosey?
(63) 63. Ah-jahannam giráy addunyal kah xagnisimak sugteeni keenik iyyan akeeral.
(64) 64. A-saaku tet culaay, teetit carara Yallal koroositak sugteenimih sabbatah.
(65) 65.A-saaku ken afitte alifnaah ken gaboobi neê luk yabta, kaadu ken ibitte keenil sumaaqitta addunyal abak sugen umaanch.
(66) 66.Faxinninoy intiita ken waysiisak neneeh, duggu keenik haak nen, toysa gitâ fanah sissikuk gexak yenen kaal taturaanamkeh, tokkel mannal yableeniih intiita ken waysisne way!
(67) 67. Fanne nee tekkek ginó keenik korisak neneeh, ken aracal ken daffeysak nen, toysa fooca fan gexaanam duudak manannoonuuy, wadir gacaanam duudak manannon.
(68) 68.Idoolitti iyyam fan qumri как neyxeere num ginó kaak korisnaah, yooboke saakih innah kaa gacisna hebeebih (sabarah), amah abe Rabbi qhiyaamah ayró ken ugusu waamih dudda leemil ma kas- kassoowaanaa?
(69) 69. Ni-farmoyta Mucammad Qadar kaa mabarsinninooy, kaa ma-ceela (ma-yangibbiya) Usuk kalah luk yemeetem mali Kassis kee baxxaqqa-le Qhuraan akke waytek.
(70) 70.Ama Qhuraanal sorkocôbaxi (lubbi) как nuwwa mara meesiisâ gidaay, korosul digaalâ maxcó nummattamkeh.
(71) 71.Lacak nanu keenih ginneh nanim mayablaanaa! Ni-gaboobi abteemik, eddeluk usun kaa yamlikeenih (ikoytah kaa Ion).
(72) 72.Kaadu kaa (lac kinnuk) keenih qanneh, tokkel tu-kaak feeraanaah, tu-kaak yakmeenih.
(73) 73.Kaadu lacat maggo tuxxiq kee can kaak nakaanam Ion, a-niqmat keenih abe Rabbi ma-faatitaanaa?
(74) 74.Kaadu koros Yallak kalah yaqbuden yallitte haysitte Yallih digaalák ken cattam keh.
(75) 75.Ken yallitte cató keenik maduddaay, koros kee ken yallitte inkih girá digaaláh gaaboysimaanaah xayyoysiman tu- sittah xiqe kal.
|
| | | | أحمد محمد لبن Ahmad.M.Lbn
مؤسس ومدير المنتدى
عدد المساهمات : 49101
العمر : 72
| | موضوع: رد: 36 - Yaseen السبت 08 أكتوبر 2022, 9:10 pm | |
|
(76) 76.Toysa a-nabiyow usun Yallal koroositaanaah, koo dirabboysaanamih maxcó koo rookise waytay, diggah nanu qcllisaanam kee yaybullecnim inkih keenik naaxigeeh ken elle galtenno.
(77) 77.Ama seehadaytuy qhiyaamah ayró yangaddee mayablannaa! Diggah nanu daacoyti tiffak kaa ginnem, tokkel usuk baxxaqqa-le giddeyna.
(78) 78.Kaadu ama giddeyni faxxiime wayta ceelallo Nch yoogoreeh, isi ginó hawweeneh (habbaaleh). Lafoofi iyyi yaynuwwee is bululteeh, rumah anuk iyye?
(79) 79.Kaak ixxic nabiyow; naharsi adda tet gine Rabbi tet yaynuwwe! Usuk isi ginó inkih yaaxigi, kaak qellittam matan.
(80) 80.Usuk anxaxin cooxuk girá siinih yeyyeeqe Rabbi kinni, tokkel isin woo cooxuk girá ursuttan.
(81) 81.Kaadu qaranwaa kee baaxó gine Rabbi seehadah innah tanim ginaah gacsam ma-duudaa? Yeey, Usuk duudah. Kaadu Usuk ummaanim giné, ummaanim yaaxigi.
(82) 82.Yalli tu-abam faxa waqdi cagalah kay amri wohiimik tik-iyyaama, edde luk wohim edde takke!
(83) 83.Ummaanimih reedá gabat как tan Yalli saytunnooweeh, cisab kee galtóh kaâ fanah gacsimtan.
|
| | | | | | 36 - Yaseen | |
|
مواضيع مماثلة | |
|
| | صلاحيات هذا المنتدى: | لاتستطيع الرد على المواضيع في هذا المنتدى
| |
| |
| |
