منتدى إنما المؤمنون إخوة The Believers Are Brothers
سم الله الرحمن الرحيم..
مرحباً بكم في منتدى: (إِنَّمَا المُؤْمِنُونَ إِخْوَةٌ) والمنتدى فكرة للتواصل الأخوي إن شاء الله تعالى.. فعندما تمرون من هنا ستعطرون منتدانا.. وبوجودكم معنا ستحلو اللحظات.. وبتسجيل حضوركم ستبتهج الصفحات.
مؤسس ومدير المنتدى/ أحمد لبن.
The name of Allah the Merciful..
Hello to the forum: (The believers are brothers) and the Forum idea to continue the permanent brotherly love between us, if God willing.. When you pass by here Stattron our forum.. and your presence with us Sthlo moments.. and to register your attendance Stptahj pages.
Founder and Director of Forum / Ahmad Laban.

منتدى إنما المؤمنون إخوة The Believers Are Brothers

(إسلامي.. ثقافي.. اجتماعي.. إعلامي.. طبي.. رياضي.. أدبي.. علمي.. تاريخي)
 
الرئيسيةالرئيسية  التسجيلالتسجيل  دخول  

شاطر | 
 

 لسه ما زهقتش؟.. لسه ماقرفتش؟.. لسه ما ندمتش?..

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
أحــمــد لــبــن AhmadLbn
مؤسس ومدير المنتدى
avatar

عدد المساهمات : 17953
العمر : 65

مُساهمةموضوع: لسه ما زهقتش؟.. لسه ماقرفتش؟.. لسه ما ندمتش?..   18/01/12, 09:38 pm

بسم الله والصلاة والسلام على رسول الله وآله وصحبه ومن والاه

ثم أما بعد:

فإخوتي في الله

أشهد أن لا إله إلا الله وأن محمدا رسول الله

لسه ما زهقتش... لسه ماقرفتش... لسه ما ندمتش?

طيب هاتزهق إمتى؟ هاتقرف إمتى؟ هاتندم إمتى؟

مش عاوز تحب ربنا ليه؟

دا إنت كل اللي أنت فيه منه... ومن نعمه عليك...

وأكبر نعمه عليك إنه لسه ساترك وسايبك ومستني ترجع له...

مش عاوز ترجع له ليه؟

مش عاوز تتوب ليه؟

مش عاوز تنضف ليه؟

كفايه بقى!

مش خايف منه؟

مش خايف من عذابه؟

بتقول بخاف ... طيب ليه؟

مش عاوز تتوب ليه?

هو فيه حاجه أحسن من قربه...

دا خلقك لعبادته

البنات اللي أنت عارفهم مش هاينفعوك دول بيبعدوك عنه ويقربوا لك سخطه اللي أنت مش قده...

حد فيهم يقدر يحميك منه؟

طيب حد فيهم يقدر يشيل عنك المرض؟

طيب حد فيهم يعطيك حسنه واحده يوم العرض عليه؟

والأغاني لسه بتسمعها ليه؟

عارف إنها حرام ومع ذلك كأنك بتقول أيوة أيوة عارف بس مش خايف

ما يهمنيش
ولما تيجي تسمع أغنيه تلاقي قلبك بيتخلع من جسمك وتبكي وتتأثر لأنك أصبحت عبد هواك

بل في الأصل عبد للشيطان يأمرك فتنفذ

لا تستطيع فك القيد الذي أحاط بعنقك ويعصر رقبتك والعجيب أنك متلذذ به مستمتع به

وأوعى تقول أصلي ما كنتش أعرف

لأ أنت عارف كل حاجه عارف الصح من الغلط

عارف ان فيه جنه وفيه نار مع ذلك لا تبالي .............

والنت والمواقع الإباحيه لسه بتتفرج والصور الخليعه

أنسيت أن ربك شايفك ولكنك جعلته أهون الناظرين إليك

يعني لو دخل عليك طفل صغير وأنت بتتفرج على حاجه من دي هاتعمل أيه؟

على طول هاقفل .......

وهاتقول أصلي هاسقط من نظره – دا طفل – عملت حسابه

ألا فلتتق الله ولتخافه أيها الأخ............

وأنت يا أختاه – لما تفعلين مالا يوافق رضاه – لما الى الآن تعصين الله؟

مش عاوزه تتحجبي ليه؟

مش عاوزة تنتقبي ليه؟

بتقولي مش مقتنعه وعاوزاني أقنعك الأول – يبقى المفروض سؤالك يكون إني أقنعك بالدين

فدا دين أختاه

طيب

فرحانه باللي ربنا اداهولك ليه

ومفكره نفسك جميلة الجميلات

فعاوزه تظهريه وفي معصيه الله ليه ؟؟

ماهو قادر ياخده منك في لحظه

الناس اللي عمالين يتوددوا لك من الشباب دول لو جرى في وجهك حاجه مش هايطيقوا يبصوا في وشك......

جلدك ده هايذوب في النار ........ وأنت لا تبالي.......

بس إعرفي إن الموت يأتي بغته ...

الموت اللي نسيتيه ...

وبتقولي لما أتجوز ولما أخلًف ولما أكبر أنا لسه صغيرة عالحاجات دي...

في لحظه هاتعرفي إنك كنتي في نعمه إنك ممكن تتوبي وأنتي ضيعتيها...

أمامنا طريقان لا ثالث لهم..

إما الى الجنه وإما الى النار

فإختار وأنت حر في الاختيار

وتخيل نفسك في الجنه ودي طريقها سهل جدا طريقنا الى رضى الله

وتخيل نفسك في النار ومعك من كنت تطلب رضاه في الدنيا – الشيطان

إرحم نفسك وتوب

فوق

أنظر فوقك

إنه الله

أرفع يديك

قل لا إله إلا أنت ربي خلقتني وأنا عبدك وأنا على عهدك ووعدك ما إستطعت أعوذ بك من شر ما صنعت أبوء لك بنعمتك علي وأبوء بذنبي فإغفر لي فإنه لا يغفر الذنوب إلا أنت...

قل لا إله إلا أنت سبحانك إني كنت من الظالمين.

قل ربي تبت وندمت وعزمت بفضلك على ألا أعود الى المعاصي أبداً

إبكي

ما إنت ياما بكيت من أغنية أو فيلم أو موسيقى أو ........

أبكي : بتقول مش عارف أبكي أصل دموعي عزيزة

عزيزة على مين ياعم على ربك

أبكي دلوقتي وإلحق نفسك

فلعل دمعة صادقة تكون سبب في أن لا تمسك النار

وإلا فإنتظر بكاءاً لا ينقطع

وناراً لا تنطفيء

أبكي أخي وأبكي أختاه

أبكوا من خشية الله

وإلا فابكوا على أنفسكم ..................

وسبحان من إذا قال عبده العاصي تبت قال الملك وأنا قبلت

وصلى اللهم وسلم وبارك على نبينا محمد وآله وصحبه وسلم تسليما كثيرا

وأعلم أني لك ناصح محب

من محاضرة لفضيلة الشيخ محمد حسين يعقوب
حفظه الله.


الرجوع الى أعلى الصفحة اذهب الى الأسفل
http://almomenoon1.0wn0.com/
 
لسه ما زهقتش؟.. لسه ماقرفتش؟.. لسه ما ندمتش?..
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى إنما المؤمنون إخوة The Believers Are Brothers :: (العربي) :: الـثـقـافـة والإعـلام :: الكـتـابات الإسلامية والعامة-
انتقل الى: